Асадын хүчин үлэмж амжилт олж байна

ДЭЛХИЙН МЭДЭЭ | УЛС ТӨР
nyamtulga@montsame.mn
2015-10-12 12:59:46

ДАМАСК. /ВВС/. ОХУ-ын агаарын цохилтын дараа Ливаны “Хезболла” байгууллагын босогчдын дэмжлэгээр Сирийн хүчин босогчидтой амжилттай тэмцэж байна.

Идлиб, Хама, Латакиа мужид Засгийн газрын хүчний ажиллагаа ихээхэн ахицтай байна.

Өнгөрсөн 24 цагт “Лалын улс” бүлэглэлийн байрлалыг голчлон чиглэсэн агаарын 60 гаруй цохилтыг Сирид өглөө гэж ОХУ мэдэгдсэн боловч уг ажиллагаа Засгийн газрын хүчин болон “Лалын улс” бүлэглэлтэй тэмцэж байгаа Засгийн газрыг эсэргүүцэгч босогчдод хүчтэй нөлөөлсөн гэж үзжээ.

Сирийн нийслэл Дамаск хотыг Алеппо зэрэг бусад томоохон хоттой холбодог хурдны замын ойролцоо байлдааны ажиллагаа эрчимтэй өрнөж байгаа бөгөөд Ерөнхийлөгч Башар аль-Асадын хүчин Идлиб дэх босогчдыг устгах зорилготой байна.

ОХУ-ын цэргийн ажиллагаа эхлэхээс өмнө босогчдын эвсэл Идлиб мужийг эзлэн авч, Асад болон түүний түшиц газарт заналхийлж, “Лалын улс” бүлэглэлтэй тэмцэх ажиллагаанд саад учруулж байсан гэж “ВВС”-гийн  Арабын асуудал хариуцсан редактор Себастьян Ашер мэдээлжээ.

Д.Нямтулга

Холбоотой мэдээ