Зураач Х.Эрдэнэ-Очир "Талын анир" бие даасан үзэсгэлэндээ 20 гаруй бүтээлээ дэлгэжээ
Тэгү, 2024 оны гуравдугаар сарын 10 /МОНЦАМЭ/. Монголын Урчуудын эвлэлийн гишүүн, зураач Хасааноовын Эрдэнэ-Очир абстракт чиглэлийн монгол ахуйг харуулсан "Талын анир" бие даасан уран бүтээлийн үзэсгэлэнгээ БНСУ-ын Тэгү хотын "MONA" арт галерейд гуравдугаар сарын 7-нд нээлээ.Энэ үзэсгэлэнд тэрээр 20 гаруй бүтээлээ дэлгэсэн бөгөөд тал нутгийн нүүдэлчдийн ахуй, зан заншил, соёл уламжлалыг абстракт төрлөөр харуулахыг зорьжээ. Тэрээр хуучнаар Дүрслэх урлагийн дунд сургуулийг 1989-1992 онд уран зургийн ангид суралцаж төгссөн бөгөөд 2017 онд ТЭГҮ хотод болсон Монгол, Солонгосын зураачдын хамтарсан үзэсгэлэнд оролцож байжээ.
9 өдөр