Их аварга Тэрүнофүжи Г.Ган-Эрдэнэ 10 даваатай башёг тэргүүлж явна
МОНГОЛЫН МЭДЭЭ | СПОРТУлаанбаатар /МОНЦАМЭ/. Японы Токио хотноо үргэлжилж байгаа сумо бөхийн намрын тэмцээн буюу Аки башёгийн 10 дахь өдрийн барилдаанд 73 дахь Их аварга Тэрүнофүжи Г.Ган-Эрдэнэ, Комүсүби Такаясүтэй барилдаж, түүнийг ёрикири мэхээр унагаж, 10 даваа 1 унаатай башёг тэргүүлж явна.
Аки башёгийн 11 дэх өдөр
Кирибаяама /М-2/ Б.Лхагвасүрэн, Вакатакакаге
/М-3/-тай хүч үзэж, түүнд ёрикири мэхээр ойчиж, 7 даваа, 4 унаатай болов
Хошёорюү С.Бямбасүрэн /М-1/, Таканошо /М-1/-той учраа таарч барилдан, түүнд ошидаши мэхээр унаснаар 3 даваа, 6 унаатай /тэр гэмтлийн улмаас 2 өдөр өнжсөн/ боллоо. Комүсүби Ичиножёо /М-2/ А.Ичинноров, Такарафүжи /М-4/-тэй таарч барилдан Ичиножёо ёрикири мэхээр давснаар 5 даваа, 6 унаатай башёг үргэлжлүүлж байна.
Тамаваши /М-4/Б.Мөнх-Оргил
энэ өдөр Ура /М-6/-тай таарч барилдан, түүнийг ошидаши
мэхээр хаяж 4 даваа, 7 унаатай башёг
үргэлжлүүлж байна.
Харин энэ башёд 2 даваатай
яваа Чёошома /М-5/ Г.Мөнхсайхан, Тэрүцүёоши /М-7/-тэй барилдан, түүнийг хатакикоми мэхээр хаяж 3 даваа, 8 унаатай боллоо.
Аки башёгийн 11 дэх өдрийн байдлаар Мёогирюү/М-10/ 2 унаа, 9
даваатай шинэ Их аварга Тэрүнофүжи Г.Ган-Эрдэнийг нэхэж байна.