Өмнөговь /МОНЦАМЭ/  Монгол Улсын Ерөнхийлөгчийн 2022 оны 43 дугаар зарлигт тусгагдсан архидан согтуурах, архины зохисгүй хэрэглээнээс үүдэлтэй хүн ам, нийгмийн эрүүл мэнд, аюулгүй байдал, эдийн засагт үзүүлэх сөрөг нөлөөллийг бууруулах, хорт зуршлаас ангид шинэ үеийг төлөвшүүлэх “Намайг алгас” нөлөөллийн аян Өмнөговь аймагт амжилттай хэрэгжиж байна.

Өмнөговь/МОНЦАМЭ/         Өмнөговь аймгийн хэмжээнд төрийн захиргааны  албанд нийт 261 албан хаагч ажилладаг.  Харин өнөөдөр шинээр 18 албан хаагч  нутгийн удирдлагын ордны Сүлд танхимд  “Эх орон, ард түмнийхээ төлөө эрдэм чадлаа зориулж, төрийн хууль, ёс зүйн хэм хэмжээг чанд сахиж албан үүргээ үнэнч шударгаар биелүүлэхээ тангараглая. Тангарагаа няцвал хуулийн хариуцлага хүлээнэ” хэмээн “Төрийн захиргааны албан хаагчийн тангараг”-аа   өргөлөө.     Албан хаагчид төрийн албанд орж ажиллах туршилтын хугацаандаа чиг үүргээ хангалттай сайн биелүүлж, цаашид төрийн албанд үр бүтээлтэй ажиллах  ур чадвараа харуулж ийнхүү тэнцсэнээр төрийн жинхэнэ албан хаагч болж байгаа юм.   Тангараг өргөж байгаа төрийн албан хаагч нарт хандан Өмнөговь аймгийн Төрийн албаны салбар зөвлөлийн дарга Ц.Амартөгс  Та бүхнийг Төрийн хууль, ёс зүйн хэм хэмжээг эрхэмлэн сахиж, төрийн үйлчилгээг иргэд, байгууллагад түргэн шуурхай, чин шударга, өндөр хариуцлагатай хүргэж ажиллаж, шилдэг тэргүүний төрийн албан хаагч байна гэдэгт итгэлтэй байна. Төрийн үйл хэргийг ард иргэдэд тэгш хүртээмжтэй чин үнэнчээр хүргэх эрхэм чухал ажилд нь амжилт хүсье гэлээ. 

Өмнөговь /МОНЦАМЭ/   Говь нутаг тэр дундаа Өмнөговь аймаг усны нөөц багатай бүс нутаг. Энэ утгаараа хөдөө аж ахуйн салбарт тулгамддаг асуудал бол бэлчээрийн мал аж ахуйн усалгаа болон малчдын ундны усны хэрэгцээ дутмаг байдаг явдал юм.

Өмнөговь /МОНЦАМЭ/ Даланзадгад сумын гэр хорооллын айл өрхийг цэвэр, бохирын төвлөрсөн шугам сүлжээнд хөнгөлөлттэй нөхцөлөөр холбох ажлыг ЗДТГ, орон нутгийн өмчит "Гүний ус" ХХК-тай хамтран хэрэгжүүллээ.

Өмнөговь /МОНЦАМЭ/ Аймгийн хэмжээнд эхний 11 сарын байдлаар сүрьеэгийн 12 тохиолдол бүртгэгдсэн нь өнгөрсөн оны мөн үеэс 3 тохиолдлоор нэмэгдсэн бөгөөд сүрьеэгийн эрт илрүүлгийн үзлэг 32 хувьтай байна.

Өмнөговь /МОНЦАМЭ/ Говийн бүсийн англи хэлний олимпиадыг 2022 оны 11 дүгээр сарын 19-нд Дундговь аймагт зохион байгуулсан. Олимпиадад Дундговь, Өмнөговь, Дорноговь, Говьсүмбэр аймгийн сурагчид англи хэлний мэдлэг, оюун ухаанаараа өрсөлджээ.

Өмнөговь /МОНЦАМЭ/  Монгол Улсын Ерөнхийлөгчийн ивээл дор  зохион байгуулсан Олон улсын хэмжээний "Монголын шилдэг байгалийн гэрэл зургийн уралдаан-2022" амжилттай боллоо.  

Өмнөговь /МОНЦАМЭ/  Үндэсний бөхийн спортыг хөгжүүлэх, сонирхогчдыг нэмэгдүүлэх, урамшуулах зорилготой Засаг даргын нэрэмжит сумын цолтой болон залуу бөхчүүдийн үндэсний бөхийн барилдааныг сар бүр уламжлал болгон зохион байгуулахаар болсон юм. Өнөөдөр Засаг даргын нэрэмжит анхдугаар барилдааныг зохион байгуулж, 32 бөх зодоглож уран мэхийг уралдуулан, бөх сонирхогч дэмжигчдээ уухайлуулан барилдлаа. Тус барилдаанд сумын заан А.Ихтэнгэр түрүүлсэн бол сумын заан Г.Ганбат үзүүрлэж сумын заан Б.Адьясүрэн, сумын заан Б.Бат-Эрдэнэ нар шөвгөрлөө. “Хан дэвжээ”-ний 11-р сарын аварга шалгаруулах үндэсний бөхийн барилдааны 7-8 насны ангилалд тэргүүн байрыг 2-р сургуулийн сурагч Б.Мөнхсонор, дэд байрыг "Хан дэвжээ" клубын бөх  Ц.Энххүсэл,  гутгаар байрыг 1-р сургуулийн сурагч Д.Бат-Эрдэнэ,  тусгай байрыг Гурвантэс сумын  сурагч  М.Азжаргал, уран барилдаанч бөхөөр "Хан дэвжээ"-ний бөх Э.Цэнгэл, уран гараа дэвээтэй бөхөөр "Хан дэвжээ"-ний бөх Э.Бат-Эрдэнэ нар тодорлоо. Харин 9-10 насны ангилалын тэргүүн байрыг Цогтцэций сумын сурагч Б.Оч-Ертөнц, дэд байрыг "Хан дэвжээ"-ний бөх И.Баяржавхлан,  гутгаар байрыг "Хан дэвжээ"-ний бөх Э.Даваажаргал, тусгай байрыг Цогтцэций сумын сурагч Г.Ганбаяр, уран барилдаанч бөхөөр "Хан дэвжээ"-ний бөх Б.Хүслэнбаяр, уран гараа дэвээтэй бөхөөр Б.Нандинхүү эзэлсэн бол 11-12 насны ангилалын тэргүүн байрыг "Хан дэвжээ"-ний бөх С.Батшагай,  дэд  байрыг М.Тэмүүжин, гутгаар байрыг М.Шагайхүү, тусгай байрыг М.Баярсайхан, уран барилдаанч бөхөөр Б.Дэлгэрбаяр, уран гараа дэвээтэй бөхөөр Б.Тэнүүн, 13-14 насны ангилалд тэргүүн байрыг 7-р сургуулийн  сурагч С.Түвшинтөгс,  дэд байрыг 7-р сургуулийн сурагч Б.Сэргэлэн гутгаар байрыг Цогтцэций сумын сурагч  Т.Цогтбаяр, тусгай байрыг 7-р сургуулийн сурагч Н.Мягмарбаатар, уран барилдаанч бөхөөр "Гурвантэс" сумын сурагч С.Амардай,  уран гараа дэвээтэй бөхөөр "Хан дэвжээ"-ний бөх Ө.Пүрэвбат нар уран мэхээ уралдуулан амжилттай барилдаж тус тус шагналт байруудад шалгарлаа. 

Өмнөговь /МОНЦАМЭ/. Монгол Улсын Төрийн шагналт зохиолч, төр нийгмийн нэрт зүтгэлтэн Сономын Удвал ахайтны тулгын чулууг нь тавьсан МЗЭ-ийн Өмнөговь салбараас санаачлан Соёл урлагийн газартай хамтран аймгийн Засаг даргын ивээл дор “Уран үгсийн чуулган-2022” зохиолч, яруу найрагчдын өдөрлөгийг Их зохиолч Дашдоржийн Нацагдоржийн мэндэлсний 116 жилийн ойн  өдрийг тохиолдуулан  зохион явууллаа.Уран үгсийн чуулган тэртээ 1968 онд анх С.Удвал ахайтан санаачлан зохион байгуулж байснаас хойш 1978 онд хоёр дахь удаагаа зохиогдож байжээ. Ийнхүү 40 гаруй жил тасраад байсан утга уянга, уран үгсийн эзэд хуран чуулдаг “Уран үгсийн чуулган-2022” арга хэмжээ  3 дахь удаагаа Даланзадгад хотноо болж байна."Уран үгсийн чуулган-2022" зохиолч, яруу найрагчдийн өдөрлөгт Ардын багш, Соёлын гавьяат зүтгэлтэн, эрдэмтэн зохиолч Л.Дашням, Төрийн соёрхолт, Соёлын гавьяат зүтгэлтэн зохиолч Д.Төрбат, Өмнөговь аймгийн Ханхонгор сумын харьяат Соёлын гавьяат зүтгэлтэн яруу найрагч Э.Хархүү, Гурвантэс сумын харьяат Соёлын гавьяат зүтгэлтэн, зохиолч Д.Энхболд, Баяндалай сумын харьяат Шинжлэх ухааны гавьяат зүтгэлтэн, доктор, профессор С.Байгалсайхан, Монголын зохиолчдын эвлэлийн шагналт, нэрт шог зохиолч З.Ядмаа,  Ханбогд сумын харьяат Д.Нацагдоржийн шагналт яруу найрагч Х.Сүглэгмаа, Болор цомын эзэн яруу найрагч Ш.Лхамноржмаа, Н.Гантулга, Д.Нацагдоржийн шагналт яруу найрагч П.Нямлхагва,  МЗЭ-ийн гишүүн, “Утга зохиолын шагналт”, “Хутагтын хишигт яруу найрагч Б.Бүргэд, Баян-Овоо сумын харьяат яруу найрагч, цаасан бар урлаач Ц.Галбадрах нарын нэрт яруу найрагч, зохиолчид уригдан ирж оролцлоо. Уншигч зохиолчдын уулзалтыг Даланзадгад сумын ерөнхий боловсролын сургуулиуд, төв номын сан зэрэг газруудад зохион явуулсан юм. Ардын багш, Соёлын гавьяат зүтгэлтэн, эрдэмтэн зохиолч Л.Дашням, МЗЭ-ийн гишүүн, “Утга зохиолын шагналт”, “Хутагтын хишигт яруу найрагч Б.Бүргэд нар  Өмнөговь аймгийн төв номын сангийн мэргэжилтнүүд, уншигч хүүхдүүд, иргэдтэй уулзалт хийлээ. Зохиолчид уран бүтээлийнхээ талаар халуун дотно яриа өрнүүлж шүлэг бүтээлээ уншиж номын дээжээсээ өргөн барьлаа. Өмнөговь аймгийн Засаг дарга зохиолчдыг хүлээн авч уулзаж ард иргэдийг соён гэгээрүүлэх их үйлсэд эрхэм зохиолч, яруу найрагч, үгийн шидтэн та бүхний оролцоо чухал үүрэгтэй юм. Өнөөдөр говь нутаг минь эдийн засгийн хүсэл сонирхолтой зочид төлөөлөгчид их ирдэг болохоос та бүхэн шиг оюуны их хөрөнгө оруулалт хийхээр ирж байгаа хүндтэй эрхэм зочид их ховор. Үг гэдэг их хүчтэй ирэх жилүүдэд говь нутагт минь олон сайхан амжилтууд ирж Болор цомын эзэн энэ нутгаас минь төрөн гарна гэдэгт итгэлтэй байна  хэмээн хэлээд  зохиолчдод хүндэтгэл үзүүлж гарын бэлгээ гардууллаа. Өмнөговь аймгийн Хөгжимт жүжгийн театрт зохиолч, яруу найрагчид зочлон очиж  шүлэг, утга зохиолыг шимтэн сонирхож ирсэн олон түмэнд шүлэг найргаа уншиж найргийн уянга эгшигтэй нэгэн үдшийг өнгөрүүллээ. Чуулганы арга хэмжээг хүүхдийн ордны авьяаслаг хүүхдүүд “Манай говиор зочлон очоорой”дууг морин хуурын эгшгээр уянгалуулан эхлүүлж  хурсан олныг баясгасан юм.Уран үгсийн чуулга-2022 үдэшлэгт монголын энэ цагийн нэрт зохиолч, яруу найрагчдаас гадна Өмнөговь аймгийн шилдэг шүлэг шалгаруулах “Эгшиглэнт говь-2022” наадмын эхний шагналт 5 байр эзэлсэн яруу найрагчид болох  МЗЭ-ийн гишүүн, Гомбын Сэр-Одын шагналт яруу найрагч Т.Батхүрэл тэргүүтэй шилдэг найрагчид шүлэг бүтээлээ уншлаа.Чуулганы үеэр "Манай говиор зочлон очоорой", "Ихэр гурван сайхан" зэрэг говь нутгийн ард түмний сэтгэлд хоногшсон дууны шүлгүүдийг тэрлэсэн Монголын зохиолчдын эвлэлийн шагналт, нэрт шог зохиолч  З.Ядмааг Өмнөговь аймгийн ИТХ-ын "Хүндэт тэмдэг"-ээр шагнаж урамшуулсан бөгөөд Өмнийн цэнхэр говь нутгийг зорин ирж, нутгийн зон олныг уран яруу, утга төгөлдөр бүтээлээрээ дайлсан зохиолч, яруу найрагчид тус бүрд Өмнөговь аймгийн Засаг даргын тамгын газраас 1 сая төгрөгийн батламж гардуулж,  талархал илэрхийллээ.   

Өмнөговь /МОНЦАМЭ/. Хайгуулын ажлын үр дүнд 11 дүгээр сарын 17-ны өдөр Өмнөговь аймгийн Номгон сумын нутагт өрөмдсөн “Номгон-9П” цооногоос метан хий гарч эхэлсэн байна.  Цаашид олборлолтын туршилтыг үргэлжүүлж, метан хийн нөөцийг нарийвчлан тогтоох ажил үргэлжилнэ.

Өмнөговь /МОНЦАМЭ/ Өмнөговь аймагт "Хүүхдээ сонсох өдрийг" төрийн байгууллагууд сар бүрийн эхний долоо хоногт зохион байгуулж хэвшээд байна. эмч, сувилагч нар хариулт өгч ажилласан байна.

Өмнөговь/МОНЦАМЭ/. Өмнөговь аймгийн Эрүүл мэндийн салбар Оюутолгой компанийн “Говийн оюу хөгжлийг дэмжих сан”-гийн санхүүжилтээр хэрэгжүүлсэн эрүүл мэндийн төслийн хүрээнд хүүхдийн ходоодны дуран, хүчилтөрөгчийн сүүлийн үеийн иж бүрэн аппараттай болж байна. 

Өмнөговь/МОНЦАМЭ/. Даланзадгад сумын хувьд хүн амын төлөвлөрөл сүүлийн жилүүдэд ихэссэнтэй холбоотойгоор агаарын бохирдлын асуудал анхаарал татаж байгаа юм.

Өмнөговь /МОНЦАМЭ/. Өмнөговь аймгийн Хилийн цэргийн 0131 дүгээр ангийн алба хаагчдын хуучин нийтийн байрыг 1974 онд барьж ашиглалтад өгч байжээ. Улс орны халдашгүй дархан байдлыг цаг ямагт сахин хамгаалж байдаг хилчдийн  амьдрах орчин нөхцөл хүндхэн байсан юм. Хилчдийн орон сууцыг хүлээлгэн өгөх нээлтийн үйл ажиллагаанд Хил хамгаалах ерөнхий газрын тэргүүн дэд дарга бөгөөд Хилийн цэргийн штабын  дарга, бригадын генерал Н.Ганболд хүрэлцэн ирж, Хил хамгаалах үйлсэд үнэтэй хувь нэмэр оруулж, хилчдийн нийгмийн асуудлыг шийдвэрлэж хөрөнгө оруулалтыг хийсэнд  талархал илэрхийллээ.

Өмнөговь /МОНЦАМЭ/. Өдгөө 90 гаруй насыг хүртэж, 13 хүүхэд төрүүлж өсгөсөн ачлалт буурал Лосолын Нямсүрэнг  Монгол Улсын Ерөнхийлөгчийн зарлигаар Төрийн дээд шагнал Алтан гадас одонгоор шагнасныг Ардын хувьсгалын 100 жилийн ойн медалийн хамтаар аймгийн Засаг дарга Р.Сэддорж болон Баян-Овоо сумын Засаг дарга О.Мандахбаяр нар өнөөдөр малчны хотонд нь хүрэлцэн очиж хүндэтгэлтэйгээр гардууллаа.  

Өмнөговь /МОНЦАМЭ/. "Хүрэл тогоот-2022” эрдэм шинжилгээний хурал 11 дүгээр сарын 14-ний өдөр Өмнөговь аймгийн Даланзадгад хотод амжилттай боллоо. Тус хурлыг 18 дахь жилдээ зохиож байгаа юм. Сүүлийн хоёр жилийн эрдэм шинжилгээний хурлыг Өмнөговь аймгийн Засаг дарга ивээн тэтгэж оролцож байна. Монголын залуу эрдэмтэн, судлаачдын дунд эрдэм шинжилгээний бага хурлыг жил бүр зохион явуулдаг. Тухайн хурлын гол зорилт агуулга нь залуу эрдэмтэн судлаачдын бүтээлийг олон нийтэд таниулах, дэвшилтэт техник технологийн судалгаа шинжилгээний үр дүнг үйлдвэрлэл, бизнесийн үйл ажиллагаанд нэвтрүүлэх боломжийг буй болгох, салбар хоорондын хамтын ажиллагааг өргөжүүлэхэд чиглэдэг. Тиймээс уул уурхай дагасан нөлөөллийн олон талт байдал, үйлдвэр үйлчилгээ эрчимтэй хөгжиж байгаа бүс нутгийн хувьд Өмнөговь аймагт тулгамдаж асуудлаар эрдэмтэн судлаачдын хурал хэлэлцүүлгийг зохион явуулж гарсан үр дүнг бодит үйл ажиллагаа болгох зорилгоор Өмнөговь аймагт зохион явууллаа.  Хэлэлцүүлэгт судлаачид илтгэл тавихаас гадна Өмнөговь аймгийн Байгаль орчин аялал жуулчлалын газрын дарга Х.Отгонмөнх оролцож орон нутагт байгаль орчны талаар тулгамдаж байгаа асуудлаар мэдээлэл өглөө.  Эрдэм шинжилгээний хуралд нийт 40 гаруй хүн хамрагдаж “Уул уурхайн бүс нутгийн усны чанарын асуудал, технологийн шийдэл” сэдвийн хүрээнд шилдэг илтгэлүүдийг дүгнэн шагналаа гардан авлаа.Уламжлал болгон зохион явуулдаг "Хүрэл тогоот-2022” эрдэм шинжилгээний хурлын шилдэг илтгэлийн уралдааны 2-р байрын шагналыг Өмнөговь аймгийн Засаг даргын нэрэмжит болгон зарлаж шагналыг 1000 ам.доллар байхаар төлөвлөсөн байна.  

Өмнөговь/МОНЦАМЭ/.  Өмнөговь аймагт хэрэгжиж байгаа “Нутгийн хишиг" хөтөлбөрийн хүрээнд аймгийн Засаг даргын Тамгын газартай хамтран англи хэлний сургалтын чанарыг дээшлүүлэх, суралцагчдын ур чадварыг нэмэгдүүлэх, хэл сурах хүсэл эрмэлзлийг өрнүүлэх зорилгоор Ерөнхий боловсролын 22 сургуулийн багш, сурагчдын дунд 11 дүгээр сарын 14, 15-ны өдрүүдэд “Global citizens from Gobi” уриан дор гадаад хэлний өдөрлөгийг амжилттай зохион байгууллаа.  

Өмнөговь /МОНЦАМЭ/. Өмнөговь аймгийн Засаг дарга Р.Сэддорж төрийн албан хаагчдын цалин нэмэх шийдвэрийн талаар орон нутгийн сэтгүүлчдэд өнөөдөр мэдээлэл хийлээ.УИХ-аас 2023 оны төсвийн бодлогын хүрээнд төрийн албан хаагчдын орон нутагт ажиллах сонирхлыг нэмэгдүүлэх, тогтвор суурьшилтай ажиллуулах, хот суурин газраас орон нутагт шилжин суурьшихыг дэмжих зорилгоор Төрийн захиргааны албан хаагчдад орон нутгийн нэмэгдэл олгох зохицуулалтыг Төрийн албаны тухай хуулийн 57 дугаар зүйлд нэмж тусгасан.Энэ хүрээнд Өмнөговь аймагт ажиллаж байгаа төрийн захиргааны 261 албан хаагчийн цалингийн 20 хувийг орон нутгийн төсвийн суурь зарлагад тооцон хянаж, Монгол Улсын 2023 оны төсөвт тусган батлаад байна.Үүнд аймаг, сумын ИТХ, ЗДТГ, Орон нутгийн өмчийн газар, Байгаль орчны газар, Санхүүгийн хяналт, аудитын албаны төрийн захиргааны албан хаагчид багтаж байгаа юм.Мөн орон нутаг өөрийн нөөц боломж, орлогын нөхцөл байдлаа ашиглан төрийн үйлчилгээний албан хаагчдын цалинг 80 хүртэл хувиар нэмэгдүүлэх боломж хуулийн хүрээнд бүрдсэн байна.Иймд Өмнөговь аймгийн ИТХ-ын Ардчилсан намын бүлгээс "Нутгийн дэм" хөтөлбөрийн хүрээнд төрийн үйлчилгээний албан хаагчдын цалинг 80 хүртэл хувиар нэмэгдүүлэх шийдвэр гаргаж, ажлын баг байгуулан, тооцоо судалгааг эхлүүлжээ. Ажлын багийн дүгнэлтийг үндэслэн төрийн албан хаагчдын цалин нэмэх асуудлыг аймгийн ИТХ-аар хэлэлцэн батлах юм. Өмнөговь аймгийн хэмжээнд нийт 4811 төрийн албан хаагч "Нутгийн дэм" хөтөлбөрт хамрагдаж байгаагийн 107 нь улс төрийн албан хаагч, 261 нь төрийн захиргааны албан хаагч, 4443 нь төрийн үйлчилгээний, гэрээт болон бусад ажилтнууд байдаг.

Өмнөговь /МОНЦАМЭ/. Говь Гурван сайхан уулынхаа хормойд 35 дахь жилдээ зохиож байгаа "Эгшиглэнт говь-2022" наадам өнөөдөр болж байна.          

Өмнөговь/МОНЦАМЭ/. Өмнөговь аймгийн хувьд энэ жил зуншлага, намаржилт тааруу байж, орон нутгийн мал аж ахуйн салбар, малчдын хувьд  өвөлжилт, хаваржилт хүндрэх нөхцөл байдал үүсээд байна. Цаг үеийн нөхцөл байдал, болзошгүй эрсдэлийг хохирол багатай даван туулахад чиглэсэн олон талт арга хэмжээг  шуурхай зохион байгуулан ажиллаж байгаа юм. Энэ хүрээнд Говийн оюу хөгжлийг дэмжих сан, түүний Удирдах зөвлөлөөс аймаг сумдын өвс, тэжээлийн аюулгүйн нөөц бүрдүүлэлтэд зориулан батлагдсан хандивын хөрөнгө оруулалтаар 15 сумын өвс тэжээлийн аюулгүйн нөөцөд нийт 611.2 тонн өвс, аймгийн өвс тэжээлийн аюулгүйн нөөцөд 277.8 тонн ногоон өвс тэжээл татан төвлөрүүлж ажлын гүйцэтгэл 90 гаруй хувьтай явагдаж байна.