ХААН Банк хүүхдийн байгууллагуудад гацуурын төгөл байгуулж өглөө
Ногоон хотын иргэн байх, байгаль дэлхийдээ ээлтэй амьдрах, мод ургамал тарьж ургуулах дадал зуршил хүнд гэнэтхэн нэг өдөр бий болчихдоггүй. Мод арчилж ургуулж үзсэн, түүнийгээ ургаж байгааг харж мэдэрч өссөн хүүхдэд байгалиа хайрлах ухамсар сэтгэхүй төлөвшдөг билээ. ХААН Банк Сангаас нийгмийн хариуцлагын хүрээнд жил бүрийн хавар Үндэсний мод тарих өдрийг угтан “ХААН Банкны ой” хөтөлбөр хэрэгжүүлж, мод тарьдаг уламжлалтай бөгөөд хүүхдүүдэд багаас нь байгальтайгаа ойрхон байх, мод ургуулж арчлах, хамгаалах талаар мэдлэг мэдээлэл олгох үүднээс энэ жил хүүхдийн асрамж, хамгааллын чиглэлээр үйл ажиллагаа явуулдаг таван байгууллагын эзэмшлийн газарт гацуурын бяцхан төгөл тус тус байгуулж өглөө.
2181 өдөр
