Улаанбаатар
ЕХ-ны араас европын дөрвөн орон ОХУ-ын эсрэг хоригийн хугацаагаа сунгалаа
ДЭЛХИЙН МЭДЭЭ | УЛС ТӨР
БРЮССЕЛЬ./TASS/. Европын холбооны түнш дөрвөн орон болох Черногор, Албани, Норвеги, Украин улсууд Оросын эсрэг эдийн засгийн хориг арга хэмжээнийхээ хугацааг 2018 оны 1 дүгээр сарын 31-н хүртэл сунгажээ. Энэ тухай лхагва гарагт Брюссель тараасан ЕХ-ны дипломат газрын тэргүүн Федерика Могерини-гийн мэдэгдэлд дурджээ.
ЕХ-нд элсэхээр нэр дэвшигч орнууд Черногор, Албани, Европын чөлөөт худалдааны холбооны гишүүн Норвеги мөн Украин улс ЕХ-ны Зөвлөлийн шийдвэрийг дэмжин нэгдлээ. “ЕХ дээрх алхмуудыг анхааралдаа авч, дэмжин сайшааж байна” гэж уг мэдэгдэлд дурджээ.
ЕХ-ны зөвлөл 6 дугаар сарын 28-нд албан ёсоор Оросын эсрэг эдийн засгийн салбарчилсан хоригийн хугацааг зургаан сараар сунгаж 2018 оны 1 дүгээр сарын 31 болгосон юм.
ЕХ-ны хоригийн бодлого нь Оросын иргэдийн визний хязгаарлалт /энэ оны 9 дүгээр сар хүртэл хүчинтэй/, Оросын газрын тос, батлан хамгаалах, санхүүгийн секторын төрийн өмчит хэд хэдэн компанийн эсрэг эдийн засгийн хориг, Крымийн эсрэг хязгаарлах арга хэмжээ гэсэн бие даасан гурван чиглэлээс бүрддэг байна.
ЕХ-нд элсэхээр нэр дэвшигч орнууд Черногор, Албани, Европын чөлөөт худалдааны холбооны гишүүн Норвеги мөн Украин улс ЕХ-ны Зөвлөлийн шийдвэрийг дэмжин нэгдлээ. “ЕХ дээрх алхмуудыг анхааралдаа авч, дэмжин сайшааж байна” гэж уг мэдэгдэлд дурджээ.
ЕХ-ны зөвлөл 6 дугаар сарын 28-нд албан ёсоор Оросын эсрэг эдийн засгийн салбарчилсан хоригийн хугацааг зургаан сараар сунгаж 2018 оны 1 дүгээр сарын 31 болгосон юм.
ЕХ-ны хоригийн бодлого нь Оросын иргэдийн визний хязгаарлалт /энэ оны 9 дүгээр сар хүртэл хүчинтэй/, Оросын газрын тос, батлан хамгаалах, санхүүгийн секторын төрийн өмчит хэд хэдэн компанийн эсрэг эдийн засгийн хориг, Крымийн эсрэг хязгаарлах арга хэмжээ гэсэн бие даасан гурван чиглэлээс бүрддэг байна.
О.Барс
