АРХАНГАЙ: Жижиг оврын бохир цэвэрлэх байгууламжийг ашиглалтад оруулжээ

ОРОН НУТГИЙН МЭДЭЭ | АРХАНГАЙ
gereltod@montsame.mn
2025-07-08 18:51:13

Эрдэнэбулган, 2025 оны долоодугаар сарын 8 /МОНЦАМЭ/. Хүрээлэн буй орчны бохирдлыг бууруулах ажлын хүрээнд Архангай аймгийн хэмжээнд нүхэн жорлонгийн тооллогыг хийж байна.


Тооллогоор 9733 нүхэн жорлон тоолсон бөгөөд энэ онд нүхэн жорлонг 110-аар цөөлөхөөр төлөвлөжээ.


2025 оны хагас жилийн байдлаар дөрвөн шатахуун түгээх станц, 21 өрх нүхэн жорлонг дарж ариутгажээ.


Мөн 18 өрх, 6 аж ахуйн нэгж төвийн цэвэр бохирын шугамд холбогдож, аялал жуулчлалын чиглэлээр үйл ажиллагаа явуулдаг 3 аж ахуйн нэгж, уул уурхайн олборлолт явуулж буй 2 аж ахуйн нэгжид шаардлага хүргүүлэн жижиг оврын бохир цэвэрлэх байгууламжийг ашиглалтад оруулаад байна.


2023 оны тооллгоор аймгийн хэмжээнд нийт 15396 нүхэн жорлон байжээ.

Холбоотой мэдээ