ДОРНОГОВЬ: Илүүдэл жин зүрх судасны өвчлөлийг нэмэгдүүлэх үндсэн суурь шалтгаан болдог

ОРОН НУТАГТ | ДОРНОГОВЬ
erdenebulgan@montsame.mn
2022-06-24 13:06:55

Дорноговь /МОНЦАМЭ/. ХААН банк сан, улсын Гуравдугаар төв эмнэлэг, Нийгмийн эрүүл мэндийн Үндэсний төвтэй хамтран “Цусны даралт ихсэлтийн эсрэг аян -2022”-ыг Дорноговь аймгийн Сайншанд суманд зургаадугаар сарын 23-24-нд зохион байгуулж байна.

Аяны хүрээнд аймгийн Нэгдсэн эмнэлэгт иргэдэд зүрхний эмгэг судлал, мэдрэл, бөөр, гемодиализын эмчийн үзлэгийг үнэ төлбөргүй хийж, эрт илрүүлгийн асуулга, эрсдэлийн үнэлгээ хийх, хоол судлаачийн зөвлөгөө өгөх, эмч, мэргэжилтнүүдэд тодорхой сургалт зохион байгуулж байгаа юм.

Иргэдийн дунд цусны даралт ихсэх өвчин элбэг тохиолддог бөгөөд 3000 хүний дунд явуулсан судалгаанд дөрвөн хүний нэг нь тамхи татдаг, 26 хувь нь архины хэрэглээтэй, 36 хувь нь илүүдэл жинтэй байгаа нь зүрх судасны өвчлөлийг нэмэгдүүлэх үндсэн суурь шалтгаан болдог гэж эмч мэргэжилтний төлөөлөл ярив. Үзлэг шинжилгээ үргэлжилж байна.


Холбоотой мэдээ