Улаанбаатар
Йохен Крюгер: Наадмын нээлтийн морьдтой үзүүлбэр хамгийн их таалагдсан
МОНГОЛЫН МЭДЭЭ | НИЙГЭМ
Улаанбаатар, 2025 оныг долоодугаар сарын 11 /МОНЦАМЭ/. Үндэсний их баяр наадамд гадаадын жуулчид өргөн дэлгэр оролцож, “Мөнхөд гэрэлтэх Монгол” нээлтийн тоглолт үзэж сонирхлоо. Энэ үеэр ХБНГУ-ын жуулчин Йохен Крюгертэй цөөн хором ярилцлаа.
Сайхан наадаж байна уу. Монголд анх удаа ирж байна уу?
-Сайхан наадаж
байна, наадмын нээлт үзлээ. Монголд анх удаа ирж, соёл
уламжлал, ёс заншилтай нь танилцаж
байгаадаа баяртай байна.
-Монголд ирсэн сэтгэгдлээ хуваалцаж болох уу?
-Маш гайхалтай. Энэ бол миний аяллын сүүлийн өдөр, Герман руу маргааш буцна. Бид хоёр долоо хоног Монголын үзэсгэлэнт газраар аялсан. Үнэхээр гайхалтай байгаль, найрсаг хүмүүстэй сайхан орон байна.
-Наадмын талаар яаж мэдсэн бэ?
-Манай аяллын компанийн хөтөлбөрт багтсан байсан.
-Монгол наадам танд ямар санагдав. Наадмын нээлтийн аль хэсэг танд хамгийн сонирхолтой байсан бэ?
-Мэдээж морьд. Бүх зүйл гайхалтай байсан ч наадмын тоглолтын морьдтой хэсэг хамгийн их таалагдсан. Бид наадмын тоглолтыг том хэмжээний, олон хүн оролцоно гэж огт төсөөлөөгүй. Аяллын төгсгөлд энэ баярт оролцсоноор Монголын соёлын талаар илүү ойлголттой боллоо. Чингис хааны хөшөөт морьт цогцолбор, үндэсний хувцас, гэр барих арга барил зэргийг үзэж сонирхсондоо баяртай байна.
-Монгол хоолны талаар юу хэлэх вэ?
-Бид зарим хоолыг амталсан, цагаан хоолтон учир маханд тийм ч дуртай биш.
Монгол хоол ихэвчлэн махтай байдаг юм байна. Харин тэмээ, адууны сүүг амсаж
үзсэн, маш өвөрмөц амттай байсан.
