Австрали “AstraZeneca”-гийн вакцинд зөвшөөрөл олгожээ
ДЭЛХИЙН МЭДЭЭ | НИЙГЭМКАНБЕРРА. /ABC/.
Австралийн Эмийн бүтээгдэхүүний
хяналтын газар Их Британи, Шведийн “AstraZeneca” компани, Оксфордын их сургуулийн хамтран гарган
авсан “COVID-19”-ийн вакцинд өнөөдөр
зөвшөөрөл олгожээ.
АНУ-ын “Pfizer”, Германы “BioNTech” компанийн вакциныг өнгөрсөн сард бүртгэсэн Эмийн
бүтээгдэхүүний хяналтын газар “COVID-19”-ийн хоёр дахь вакцинд зөвшөөрөл олгож буй нь энэ юм.
Австрали вакцинжуулалтаа
энэ сарын 22-ноос эхлүүлэхээр товлоод байгаа юм. “Pfizer”-ийн вакцины хоёр тунг гурван долоо хоногийн
зайтай хийлгэх шаардлагатай бол “AstraZeneca”-гийн вакциныг 12 хүртэлх долоо хоногийн зайтай
хийлгэх боломжтой байна.
“Эмийн
бүтээгдэхүүний хяналтын газар “AstraZeneca”-гийн вакциныг аюулгүй, үр дүнтэй болохыг
тогтоосон” гэж Австралийн Ерөнхий сайд Скотт Моррисон мэдэгджээ. Эрүүл
мэндийн сайд Грег Хантын мэдээлснээр, уг вакцин “COVID-19” халдвар хүндээр илрэхээс сэргийлэх ажээ.
Мөн олон нийтийн хоёр
вакцины аль алинд итгэх итгэлийг нэмэгдүүлэхийн тулд С.Моррисон “Pfizer”-ийн вакциныг, Г.Хант “AstraZeneca”-гийн вакциныг хийлгэхээр төлөвлөсөн
байна.
Австрали “AstraZeneca”-гийн вакцинаас 53.8 сая тунг худалдан
авах гэрээ байгуулсан бөгөөд 50 сая тунг нь дотооддоо үйлдвэрлэх ажээ. Мөн
Засгийн газар “Pfizer”-ийн
вакцинаас 20 сая тунг худалдан авахаар тохиролцжээ.