ЗАВХАН: Хүүхэд залуучууд байгаль хамгаалах тунхаг бичиг баталлаа
ОРОН НУТГИЙН МЭДЭЭ | ЗАВХАН
Улиастай, 2026 оны дөрөвдүгээр сарын 23 /МОНЦАМЭ/. Завхан аймгийн ерөнхий боловсролын сургуулийн ахлах ангийн сурагчдад байгаль орчноо хамгаалах, тогтвортой хөгжлийн талаарх мэдлэг, зөв дадал хэвшлийг түгээн дэлгэрүүлэх зорилготой “Завханы залуучуудын хүч” үйл ажиллагаа боллоо.
Оролцогчид уг тунхаг бичгийг Завхан аймгийн Байгаль орчны газарт гардуулсан бөгөөд тус баримт бичигт тусгасан ажлуудыг хүүхэд, залуучуудын санаачилгад тулгуурлан мэргэжлийн байгууллагууд дэмжин хамтран хэрэгжүүлэхээр болсон байна.
“Завханы залуучуудын хүч” чуулган нь Монгол экологи төвийн “Залуучуудын тогтвортой хөгжлийн корпус” хөтөлбөрийн хүрээнд зохион байгуулдаг бөгөөд хүүхэд, залуучуудын байгаль орчин, тогтвортой хөгжлийн оролцоог нэмэгдүүлэх зорилготой юм.
Чуулганд 15-18 насны сурагчид оролцож, өөрсдийн оршин суугаа орон нутагт тулгамдаж буй байгаль орчны асуудлыг хэлэлцэн, шийдвэр гаргах үйл явцад оролцох замаар манлайллын чадвараа хөгжүүлдэг байна. Мөн тэд хог хаягдлыг ангилан ялгах, байгальд ээлтэй хэрэглээг дэмжих зэрэг тодорхой санаачилгуудыг дэвшүүлж, залуусыг хариуцлагатай иргэн болгон төлөвшүүлэхэд чиглэсэн үйл ажиллагаануудыг хэрэгжүүлдэг талаар Завхан аймгийн Байгаль орчны газрын олон нийттэй харилцах ажилтан Д.Болор-Эрдэнэ мэдээллээ.
