Трампын “Алтан карт”-ыг гадаадын ганцхан иргэн авчээ
ДЭЛХИЙН МЭДЭЭ | НИЙГЭМ
ВАШИНГТОН, 2026 оны дөрөвдүгээр сарын 23 /CBS News/. АНУ-д байнгын оршин суух шинэ төрлийн эрх авах хүсэлтийг өнгөрсөн оны 12 дугаар сараас хүлээн авч эхэлснээс хойш Д.Трампын захиргаа одоогоор нэг л “алтан карт”-ыг гадаадын нэг иргэнд олгосон тухай тус улсын Худалдааны сайд Ховард Лютникийн мэдээлжээ.
Лютник Төлөөлөгчдийн танхимын дэд хороонд мэдүүлэг өгөх үеэр “саяхан нэг хүний өргөдлийг баталсан ч хэдэн зуун хүн дараалалд байна” гэжээ. АНУ-ын Дотоодын аюулгүй байдлын яам энэ хөтөлбөрийг хариуцаж байгаа бөгөөд бүх үйл явцыг “төгс байлгахыг зорьж байна” гэж тэрбээр нэмж хэллээ. Мөн тэрбээр “алтан карт”-ын өргөдөл гаргагчдыг шалгах процесс нь АНУ-ын засгийн газрын түүхэн дэх хамгийн хатуу чанд шалгалтуудын нэг” гэж онцолжээ.
Визийн энэхүү хөтөлбөр нь АНУ-ын засгийн газарт 1 сая ам.долларын хандив өгөх гадаадын иргэдэд зориулагдсан бөгөөд өргөдөл гаргагч мөн Дотоодын аюулгүй байдлын яаманд 15 мянган ам.долларын хураамж төлөх ёстой.
