Коронавируст халдварын 22 тохиолдол нэмэгдэж нийт тоо 760 болов

Монголын мэдээ | Эрүүл мэнд
munkhbaatar@montsame.gov.mn
2020-11-28 11:09:44
@s_munkhbaatar

Улаанбаатар /МОНЦАМЭ/. Монгол Улсын хэмжээнд өчигдөр нийт 11 929 хүнд PCR шинжилгээ хийснээс 22 хүнд коронавирусний халдвар илэрсэн талаар ЭМЯ-ны өнөөдрийн ээлжит хэвлэлийн хурлын үеэр ХӨСҮТ-ийн тандалт судалгааны албаны дарга А.Амбасэлмаа мэдээлэв. 


Тодруулбал, Улаанбаатар хотод 5, Сэлэнгэ аймагт 10, Дархан-Уул аймагт 2, Дорноговь аймагт 1 бүртгэгдсэн бол Орхон, Говьсүмбэр аймагт нэмж бүртгэгдээгүй байна. Мөн гаднаас зөөвөрлөгдсөн дөрвөн тохиолдол илэрчээ. Дотоодод илэрсэн бүх халдвар ойрын болон дам хавьталд тусгаарласан хүмүүс байсныг онцлов.


Ингэснээр улсын хэмжээнд дотоодод илэрсэн тохиолдол 318, нийт 760 болж байна. Эдгэрсэн 347, ажиглалтад 24, гэрийн ажиглалтад 1 шилжсэн бол 322 хүний ажиглах хугацаа дууссан байна. ХӨСҮТ-д хоёр хүний биеийн байдал маш хүнд байгааг мэдээлэлдээ тэмдэглэлээ. 



Холбоотой мэдээ