“Цалинтай ээж” хөтөлбөрийн мөнгийг энэ сарын 20-ноос олгож эхэлнэ
Улаанбаатар /МОНЦАМЭ/. Засгийн газраас санаачилсан “Цалинтай ээж” хөтөлбөр хэрэгжиж, энэ сарын 20-ноос нэгдүгээр сарын мөнгийг олгож эхлэх талаар Хөдөлмөр нийгмийн хамгааллын яамнаас мэдээлж байна. Уг хөтөлбөрийн хүрээнд 0-3 хүртэлх насны хүүхэд асарсны тэтгэмж болгож сард 50 мянга, ихэр хүүхдийн тэтгэмжийн хэмжээг нэг удаа хүүхэд тус бүрт нэг сая, гурав буюу түүнээс дээш 18 хүртэлх насны хүүхэдтэй өрх толгойлсон эх, эцэгт хөдөлмөрийн хөлсний доод хэмжээ буюу улиралд 240 мянган төгрөгийн тэтгэмж олгох юм.
2886 өдөр