ХХААХҮЯ-наас цаг агаарын болзошгүй аюулаас сэргийлэх анхааруулга, зөвлөмж гаргалаа

МОНГОЛЫН МЭДЭЭ | ЭДИЙН ЗАСАГ
192@montsame.mn
2018-07-27 11:29:01
Улаанбаатар /МОНЦАМЭ/. ХХААХҮЯ-наас аймаг, нийслэлийн Засаг дарга нар, Хүнс, ХАА-н газрын удирдлагад хандан анхааруулга, зөвлөмж гарган хүргүүлээд байна.
Анхааруулга, зөвлөмжид, “Цаг уур, орчны шинжилгээний газрын мэдээллээр долдугаар сарын 23-30-нд ихэнх нутгаар бороо хуртай, зарим газраар усархаг аадар бороо орж, 26-28-ны өдрүүдэд зарим нутгаар сэрүүсэх төлөвтэй байгаа тул үер ус, нөөлөг салхи, аянга цахилгааны болзошгүй аюулаас сэрэмжтэй байж, дараах арга хэмжээг цаг алдалгүй авч хэрэгжүүлэхийг аймаг, нийслэлийн Засаг дарга нар, Хүнс, хөдөө аж ахуйн газруудад анхааруулж, зөвлөмж хүргүүлж байна.

Үүнд:
  • Энэ сарын 27-29-нд нийт нутгаар түр зуурын дуу цахилгаантай, аадар бороо орох төлөвтэй байгаа тул үер усны аюулаас хамгаалах арга хэмжээ яаралтай авч, сонор сэрэмжтэй байх,
  • Аймаг, нийслэл, орон нутгийн малчид, тариаланчид, иргэд, ААН,  байгууллагад үер, усны болзошгүй эрсдэл, аюулаас сэргийлэх анхааруулга, зөвлөмж өгч, малчид, мал бүхий иргэдийн шилжилт хөдөлгөөнийг хянах, тариалангийн талбайг хамгаалах арга хэмжээ зохион байгуулах,
  • Хур бороо, үерийн уснаас хамгаалах богино хугацааны тандалт, судалгаа явуулж, үерийн усны гольдролыг өөрчлөн, газар тариалангийн талбай, бэлчээрийг усжуулах арга хэмжээ авч, энэ ажилд орон нутгийн байгууллага, иргэдийг дайчлан ажиллах,
  • Ирэх 8 дугаар сард нийт нутгаар олон жилийн дунджаас 0.5-1.5 хэмээр халах төлөвтэй байгаа тул МАА, газар тариаланг усаар хангах ажлыг төлөвлөн зохион байгуулж, түр зуурын аадар бороо, үер усны аюул, эрсдэлийг тооцоолон, бэлэн байдлыг хангаж ажиллах хэрэгтэй байна” гэжээ.
 
 
Холбоотой мэдээ