Анхдугаар хуралдааныг 07-нд зохион байгуулахаар товлов
ОРОН НУТГИЙН МЭДЭЭ | ДОРНОГОВЬДорноговь аймгийн ИТХ-ын тэргүүлэгчдийн ээлжит хуралдаан энэ сарын 06-нд боллоо.
Хуралдаанаар 2016 оны аймгийн ИТХ-ын сонгуулийн үр дүнгээр сонгогдсон төлөөлөгчдийн бүрэн эрхийг хүлээн зөвшөөрөх анхдугаар хуралдааныг энэ сарын 07-нд хуралдахаар шийдвэрлэв.
Анхдугаар хуралдаанаар аймгийн ИТХ-ын даргыг сонгохоос гадна, тэргүүлэгчдийн бүрэлдэхүүнийг батлах, аймгийн Засаг даргын нэрийг дэвшүүлж Ерөнхий сайдад уламжлах тогтоолыг тус тус батална.
Одоогоор тус аймгийн ИТХ-д МАН 29 суудал, АН 1 суудал авсан бол, Хатанбулаг сумаас С.Баттогоо бие дааж ялалт байгуулаад байгаа юм. Тус аймгийн хуралд өмнөх 8 жилийн турш АН олонхи болж засгийн эрх барьж байв.
Х.Эрдэнэбулган