Улаанбаатар
Сүүлийн 24 цагт 30 тохиолдол шинээр бүртгэгдэв
ОРОН НУТГИЙН МЭДЭЭ | ӨВӨРХАНГАЙ
Өвөрхангай /МОНЦАМЭ/. Аймгийн БОЭТ-ийн молекул биологийн лабораторид сүүлийн
24 цагт 370 PCR шинжилгээ авснаас 30 тохиолдол эерэгээр батлагдсан
байна.
Үүний 27 нь Арвайхээр суманд илэрсэн бөгөөд 3 нь зөөвөрлөгдсөн бол 3 халдварын
эх үүсвэр тодорхойгүй, 21 нь батлагдсан
тохиолдлуудын ойрын хавьтал байна.
Мөн Хархорин, Хужирт, Уянга суманд тус бүр нэг тохиолдол илэрчээ.
Түргэвчилсэн оношлуураар 280 шинжилгээг хийхэд 26 тохиолдол эерэг гарсан
байна. Аймгийн хэмжээнд нийт батлагдсан тохиолдол 1486 болсон бөгөөд 72.4 хувь
нь эдгэрээд байгаа аж. Өнөөдрийн байдлаар эмнэлэгт 285, гэрээр 127, нийтдээ 412
хүн эмчлүүлж байгаагаас 88 нь хүүхэд, 14 нь жирэмсэн эхчүүд юм. Нийт эмчлүүлэгчээс
11 хүний биеийн байдал хүндэвтэр, 5 хүн хүнд байдалтай байна. Халдварын
голомтод 82 эмнэлгийн ажилтан ажиллаж байна.
