Сэлэнгийнхэн 7 дугаар сарын 15, 16-нд наадамлана

ОРОН НУТГИЙН МЭДЭЭ | СЭЛЭНГЭ
otgontsetseg@montsame.mn
2016-06-20 12:25:29

Сэлэнгэ аймгийн иргэдийн Төлөөлөгчдийн Хурлын Тэргүүлэгчдийн ээлжит хуралдаан 06 дугаар сарын 20-ны өдөр хуралдаж Ардын хувьсгалын 95 жил, аймаг байгуулагдсаны 85 жилийн ойн баяр наадмыг тэмдэглэн өнгөрүүлэх товыг хэлэлцэн баталлаа.

Сэлэнгэ аймгийн баяр наадмыг долдугаар сарын 15, 16-ны өдрүүдэд тэмдэглэн өнгөрүүлэхээр тогтож зохион байгуулах хороог байгууллаа.  Зохион байгуулах хорооны дарга аймгийн Засаг дарга С.Бүрэнбат, дэд дарга аймгийн Засаг даргын орлогч Н.Батдорж, нарийн бичгийн дарга аймгийн ЗДТГ-ын дарга Ө.Сувдаа нарыг томилжээ.

Харин гишүүдэд аймгийн ЗДТГ-ын ТЗУХ-ийн дарга С.Отгонжаргал, аймгийн ЗДТГ-ын НХХ-ийн дарга Ж.Батсайхан, аймгийн ЗДТГ-ын СТСХ-ийн дарга М.Нарантуяа, аймгийн ЗДТГ-ын ХЗХ-ийн дарга Д.Ёндонжамц, аймгийн ЗДТГ-ын ХБХ-ийн даргын үүргийг түр орлон гүйцэтгэгч А.Эрдэнэгэрэл, аймгийн ЗДТГ-ын МХШҮ-ний албаны дарга Д.Лувсандагва, аймгийн Татварын хэлтсийн дарга Ш.Отгонбаяр, аймгийн БТСГ-ын дарга Б.Баттулга, аймгийн Цагдаагийн газрын дарга Д.Энхбаяр, аймгийн анхан шатны шүүхийн иргэний хэргийн ерөнхий шүүгч Л.Энхтайван нар орсон байна. 

Сэлэнгэ аймаг Ч.Отгонцэцэг

Холбоотой мэдээ