Сүүлийн 24 цагт 32 хүнд коронавирусний халдвар илэрчээ
МОНГОЛЫН МЭДЭЭ | ЭРҮҮЛ МЭНДУлаанбаатар /МОНЦАМЭ/. Улсын хэмжээнд өнгөрсөн 24 цагийн
хугацаанд хийсэн PCR шинжилгээгээр 32 хүн коронавирусээр халдварласан нь
батлагджээ.
ХӨСҮТ-ийн вирус судлалын 3 лаборатори, ЗӨСҮТ-ийн лаборатори, НЭМҮТ, Сэлэнгэ, Дархан-Уул, Дорнод аймгийн салбар лаборатори, Чингэлтэй, Сүхбаатар, БГД, СХД-ийн лабораториудад нийтдээ 33 219 хүнд шинжилгээ хийсэн байна.
Шинээр илэрсэн тохиолдлын зургаа нь “Нэг
хаалга-Нэг шинжилгээ” үйл ажиллагааны үеэр хийсэн шинжилгээнээс илэрсэн бол
бусад нь өмнөх батлагдсан тхоиолдлын ойрын хавьтлын анхны болон давтан
шинжилгээнээс илэрчээ.
Шинээр бүртгэгдсэн тохиолдлуудыг задалбал, БГД-ээс долоо, БЗД-ээс 10, СБД-ээс нэг, СХД-ээс 3, Хан-Уул дүүргээс 3, Чингэлтэй дүүргээс 5, Налайх дүүргээс 3 тохиолдол тус тус бүртгэгджээ.
Өнөөдрийн байдлаар, улсын хэмжээнд коронавируст халдварын батлагдсан тохиолдол 2 383 болж байна. Үүнээс 1711 хүн эдгэрээд байна.
Өнгөрсөн 24 цагийн хугацаанд 29 хүн эдгэрч эмнэлгээс гарчээ. ХӨСҮТ, Цэргийн төв эмнэлэг, Хан-Уул
дүүргийн 300 ортой эмнэлэг, Улсын Нэгдүгээр төв эмнэлэгт коронавируст
халдвартай 655 хүн эмчлүүлж байна.