Улаанбаатар
Хүүхдийн баяраар үлгэрийн баатрууд амилна
ОРОН НУТГИЙН МЭДЭЭ | ДОРНОГОВЬ
Удахгүй болох эх үрсийн баярыг тохиолдуулан Дорноговь аймгийн “Саран хөхөө” театрын уран бүтээлчид бяцхан үрсдээ зориулан “Панда дуулж чадах уу” хүүхдийн тоглолтыг тайзнаа амилуулахаар бэлтгэлээ хангаж байна.
Тоглолтын үеэр хүүхдүүд нэгэн үдшийг өөрсдийнхөө төсөөлдөг байсан үлгэрийн баатруудыг бодитоор үзэж, үлгэрийн баатруудтай зургаа татуулж, театрын алтан тайзнаас бэлэг гардах аж. Ялангуяа эцэг эхчүүд хүүхдүүдтэйгээ хамт тоглолт үзэж хүүхэд насныхаа гэгээн дурсамжаар аялаж гэр бүлээрээ баяр хөөр, инээд баяслаар дүүрэн нэгэн үдшийг өнгөрөөх боломжтой гэнэ.
Дашрамд дурдахад “Саран хөхөө” театрын уран бүтээлчид үзэгчдийнхээ сандлыг иж бүрнээр сольсон бөгөөд шинэхэн сандал дээр тухтайхан сууж тоглолт үзэх анхны үзэгчид нь бяцхан үрс болж байгаа юм.
Х.Эрдэнэбулган
