Улаанбаатар
АНУ байгалийн хийн олборлолтоо нэмэгдүүлнэ
ДЭЛХИЙН МЭДЭЭ | ЭДИЙН ЗАСАГ
ВАШИНГТОН. /AP/. Ирэх жилүүдэд АНУ-ын байгалийн хийн олборлолт болон экспорт үргэлжлэн өснө гэж тус улсын Эрчим хүчний мэдээллийн агентлагаас /EIA/
мягмар гарагт гаргасан тайланд
мэдээлжээ.
Эрчим хүчний
ойрын хугацааны төлөвийн тайланд дурдсанаар, 2019 онд АНУ-ын өдөрт
олборлох байгалийн хийн дундаж хэмжээ 27.6 тэрбум шоо метр байх төлөвтэй байгаа нь 2018 оныхоос 2.1 тэрбум шоо
метрээр их ажээ. Мөн ирэх 2020 онд үргэлжлэн өсөж, 27.9 тэрбум шоо метр хүрэх
төлөвтэй байна.
2018 онд АНУ-ын өдөрт экспортолсон байгалийн хийн хэмжээ 3.01 тэрбум шоо метр байсан бол энэ онд 0.76, ирэх онд 0.88 тэрбум шоо метрээр тус тус өсөх төлөвтэй байгаа ажээ. Экспортын хэмжээ нэмэгдэж буй нь байгалийн хийн шинэ үйлдвэрүүд ашиглалтад орсонтой холбоотой гэж Эрчим хүчний мэдээллийн агентлагийн тайланд тэмдэглэжээ.
