СЭЛЭНГЭ: Улсын хэрэгцээт үр тарианы 50 хувийг үйлдвэрлэж байна
Сэлэнгэ/МОНЦАМЭ/. Сэлэнгэ
аймаг 41.1 мянган км2 газар нутагтай. Энэхүү нийт нутгийн 50.0 хувь хөдөө аж
ахуйн эдэлбэр газар, үүний 15.3 хувь нь үр тариа, 0.3 хувь төмс, хүнсний ногоо,
0.01 хувь нь жимс, жимсгэнэ, 78.4 хувийг бэлчээр, 6 хувийг хадлангийн талбай,
0.2 хувь хөдөө аж ахуйн барилга байгууламж эзэлж байна.
Сэлэнгэ аймаг нь 305.5 мянган га
тариалангийн эргэлтийн талбайтай жилд дунджаар 170.0-190.0 мянган га талбайд үр
тариа, тэжээл, тосны ургамал, 2300-2500 га талбайд төмс, 2400-2700 га талбайд
хүнсний ногоо тариалж, 120.0-130.0 мянган га талбайд уринш бэлтгэж, 140.0-180.0
мянган тн үр тариа, 30.0-32.0 мянган тн төмс, 32.0-35.0 мянган тн хүнсний ногоо
хураан авч, улсын хэрэгцээт үр тарианы 50, төмсний 28, хүнсний ногооны 30
хувийг үйлдвэрлэж байна.
995 өдөр
Улаанбаатар
