Сэлэнгэ/МОНЦАМЭ/. 2022-2023 оны хичээлийн жилд Сэлэнгэ аймгийн ерөнхий боловсролын сургуульд 22800 гаруй сурагч суралцана. Эдгээрийн 2368 бяцхан үрс эрдмийн их танхимд хөл тавьж, 1 дүгээр ангид элсэн орлоо. Мөн цэцэрлэгт 7100 хүүхэд хамрагдаж байна.

Сэлэнгэ/МОНЦАМЭ/.Өнөөдөр улс орон даяар хүүхэд багачууд, багш, сурган хүмүүжүүлэгчид маань эрдмийн их өргөөндөө хуран цуглардаг баярын өдөр. Энэ удаагийн шинэ хичээлийн жилийн нэг онцлог нь 2022-2023 оны хичээлийн шинэ жилийн нээлтийн үйл ажиллагааг Монгол Улсын Ерөнхийлөгчийн 2022 оны 7 дугаар сарын 11-ний өдрийн 159 дүгээр зарлигаар Төрийн бүх байгууллага, бүх шатны сургалтын байгууллагууд Эзэн Богд Чингис хааны эш хөргийг дээдлэн залах ёслолтой хамтатган зохион байгуулж байгаа явдал юм. 

Сэлэнгэ/МОНЦАМЭ/.Сэлэнгэ аймгийн Засаг дарга Н.Лхагвадорж мэндчилгээ дэвшүүллээ. 

Сэлэнгэ/МОНЦАМЭ/.Төрсөн нутгаа хөгжүүлэх, өнгө зүсийг нь сайжруулах, бүтээн байгуулах их үйлсэд гар бие оролцож буй хоёр хүүг сонирхон хөөрөлдлөө. Тэд Мандал сум дахь "Зүүнхараа ачааны вагон засвар буюу ДЕПО"-ийн хашааг өнгө будгийн хослолоор зурж чимэглэн хотынхоо үзэмжинд өнгө нэмжээ. Ихэр заяанд төрсөн 2 хүүг А.Энх-Амар, А.Энх-Амгалан гэдэг. Тэд Сэлэнгэ аймгийн Мандал сумын ЕБС-ийн Т.Баасанжаргал багштай 9а ангид сурдаг аж. Ихэр залуус маань бүр цэцэрлэгт байхаасаа л зураг зурах сонирхолтой байжээ. Зурах авьяасыг ээж, эгч, ахаасаа өвөлсөн гэнэ. Ах нь 12-р ангид сурдаг бөгөөд зураг зурах, хөгжим тоглох, дуу дуулах гээд авьяас билэг төгөлдөр хүү юм. Дүү нартаа өөрийн сурсан мэдсэн бүхнээ зааж сурган, зөв зүгт хөтлөж, авьяасыг нь хөгжүүлэн чиглүүлж яваа аж. Эднийх ам бүл 6-уулаа. Аав, ээж, ах, эгч нарын хамтаар амьдардаг. А.Энх-Амгалан, А.Энх-Амар хоёр ихэвчлэн хүүхэлдэйн баатруудын анимейшн зургийг зурдаг байна. Мөн байгалийн болон хөрөг зургийг сонирхон зурдаг байна. Ажилч, хичээнгүй, хөдөлмөрч, сурлага, урлаг, спортоор тэргүүлж, сургуульдаа манлайлагч болж яваа ахынхаа бүхий л сайн талыг дууриан суралцаж, зурахын зэрэгцээ төгөлдөр хуур, гитар хөгжмийг тоглож сурчээ. Хүүхдүүдийнхээ төлөө, тэдний авьяас билгийг хөгжүүлэхийн төлөө ээж нь ард талд нь бат зогсож, тусалж дэмжиж, санхүүгийн найдвартай түнш байсаар иржээ.  Ихрүүдийн зурах сонирхол нэг ч ирээдүйд эзэмших мэргэжил нь өөр өөр зүгт тэмүүлнэ. Нэг нь инженер болох мөрөөдөлтэй байхад нөгөөх нь компьютер графикч болох сонирхолтой гэв. Ангийн 39 найзууд нь, ангийн багш Т.Баасанжаргал, аав, ах, ээж нар нь хоёр ихрийг маш их дэмждэг аж. Тэд хашаан дээр сурсан зургаа өөрсдөө сонгож зурсан байна. Хавар хичээл тарахын өмнөхөн хоёр зураач маань ээжийнхээ саналаар, ангийн багш, сургуулийнхаа удирдлагуудын дэмжлэгээр бие даасан анхны үзэсгэлэнгээ гаргажээ. Энэхүү үзэсгэлэнг нь ангийн багш нь маш их дэмжиж цахим орчинд тавьж, нийтэд үзүүлсэнээр ихэр сурагчдын авьяас олонд ил болсон байна. А.Энх-Амар, А.Энх-Амгалан хоёр ярихдаа “Вагон депогийн ах эгч нар бид 2-ын зургийн үзэсгэлэнг харсан юм билээ. Тэгээд бидэнд санал тавьсан. Ангийн багш маань бид хоёрын үзэсгэлэнг цахим группэд тавьсан байсныг харсан гэсэн. Бид 2 хашааны зургаа нэг л өдөр зурсан. Их тэвчээр, хүч хөдөлмөр шаарддаг юм билээ. Тэр байгууллагын хүмүүс бас тусалсан” гэж ярив. Тэдний хамгийн их хүч хөдөлмөр зарцуулж зурсан зураг бол А3-ын цаасан дээр зурсан хөрөг зураг гэнэ. Хорио цээрийн дэглэмтэй байх үед маш их зураг зурж, цагийг үр бүтээлтэй өнгөрүүлж байсан чраас үзэсгэлэнгээ гаргажээ. Зураг зурахын хажуугаар гэрийнхээ ажилд тусалж, ногоо тарьдаг гэлээ. Тэд ярихдаа хүн ер нь өөрийн сонирхсон зүйлээ л хийх хэрэгтэй. Бид 2 олны танил хүмүүсийн зурах дуртай. Ангийн найз нар минь бидэнд тусалдагт маш их баярлалаа. Ангийн хамт олондоо их баярлаж явдаг. Хүн өөрсдөө л их хичээх хэрэгтэй хэмээн ярьсан юм.

Сэлэнгэ/МОНЦАМЭ/. Сэлэнгэ аймгийн Хүдэр сумын Баянцагаан багийн 16-ын Даваа гэдэг газарт бичил уурхайд гар аргаар алт олборлож байсан иргэн шороонд даруулж нас барсан байна. Энэ тухай дуудлагыг сумын сумын Цагдаагийн хэсгээс долдугаар сарын 28-ны өдрийн 19:35 цагт аймгийн ОБГ хүлээн авчээ. 

Сэлэнгэ/МОНЦАМЭ/. Дэлхийн өвийн урьдчилсан жагсаалтад одоогоор бүртгүүлэхээр төлөвлөсөн 12 газар Монгол Улсад байдаг байна. Дээрх 12 газрын соёлын ангилалд Сэлэнгэ аймгийн Баруунбүрэн сум дахь Амарбаясгалант хийд, түүнийг хүрээлсэн тахилгат, соёлын дурсгалт газар багтжээ.

Сэлэнгэ/МОНЦАМЭ/. Сэлэнгэ аймгийн түүхэн өв соёлт, үзэсгэлэнт газар нутгийн нэг бол тус аймгийн Хүдэр сумын нутагт орших дэлхийд ховорхон тогтоцтой хад байдаг нь “Соронзон” хад юм. Уг хадыг эрт үеэс шүтэн биширч ирсэн төдийгүй уламжлалт анагаах ухаанд хэрэглэж иржээ.

Сэлэнгэ/МОНЦАМЭ/. Олны сонирхол татаж сонорыг мялаах түүхэн бахархал Сэлэнгэ нутгийнханд олон бий. Монголын төрөөс 1942, 1976 онд хүртээсэн Төрийн дээд шагнал болох Хөдөлмөрийн гавьяаны улаан тугийн хошой одон, 2009 онд Монгол Улсад Атар газар эзэмшсэний 50 жилийн ойгоор Монгол Улсын Ерөнхийлөгчийн зарлигаар Төрийн дээд одон Сүхбаатарын одонгоор шагнасан билээ. Энэ бүхэн Сэлэнгэ түмний өнгөрсний хийгээд өнөө ба ирээдүйн бахархлын нэг юм. Сэлэнгэчүүдийн хөдөлмөрөөр бий болсон эх орны Орхон сортын улаан буудай, Шаамарын алим, зөгийн бал, нарийн нарийвтар ноост Орхон, хангай, Ерөө үүлдрийн хонь, махны Сэлэнгэ үүлдрийн үхэр. Мөн цаашлаад Монголын анхны төрт ёсны улс Хүннү гүрний гол төвлөрөл Сэлэнгэ нутагт байсныг гэрчлэх Мандал сумын Ноён уул дахь Хүннүгийн үеийн булш, хөшөө, дурсгал, археологийн олдвор, Баруунбүрэн суман дахь Монголын эртний түүх, соёл урлагийн хосгүй бүтээл бурхан номын ариун дагшин газар “Амар баясгалант” хийд. Мөн дэлхийд ховор байгалийн тогтоц бүхий тэгш гадаргын элсэн хөрсөнд ургасан 80.7 мянган га нарсан ой, домогт “Тужийн нарс” гээд Сэлэнгэ нутгийн бахархал цөөнгүй билээ.

Сэлэнгэ/МОНЦАМЭ/. Сэлэнгэ аймгийн  9 гайхамшгийн нэг, аялагчдын очих дуртай, түүхийн дурсгалт газрын нэг бол Буур хээрийн тал юм.  

Сэлэнгэ/МОНЦАМЭ/. Монгол Улсын Ерөнхийлөгчийн санаачилгаар хэрэгжиж буй “Тэрбум мод” үндэсний хөтөлбөрт Сэлэнгэ аймаг нийлүүлэгч аймаг болон түүчээлэн оролцож байгаа. 

Сэлэнгэ/МОНЦАМЭ/. Сэлэнгэ аймагт сүүлийн 24 цагийн байдлаар коронавирусний 35 тохиолдол батлагдсан байна. Эдгээр нь түргэвчилсэн шинжилгээгээр илэрчээ. Эдгээр нь аймгийн төв Сүхбаатар суманд 9, Мандал суманд 10, бусад нь Алтанбулаг, Баянгол, Бугант, Жавхлант, Хэрх, Түнхэл, Шаамар, Дулаанхаан тосгонд бүртгэгдсэн байна. 

Сэлэнгэ/МОНЦАМЭ/. Сүхбаатар-Улаанбаатар чиглэлийн зорчигчийн 272-р галт тэргийг Аршаант өртөөнд зогсоож зорчигчдыг автобусаар Улаанбаатар хот руу тээвэрлэх ажлыг зохион байгуулсан байна. 

Сэлэнгэ/МОНЦАМЭ/. Гурав дахь шатлалын эмнэлэгт хийгддэг нүдний нарийн мэргэжлийн хагалгаануудыг Сэлэнгэ аймгийн Нэгдсэн эмнэлэгт ирэх 9 сард зохион байгуулах аж. Ташрамд дуулгахад энэхүү хагалгааг үнэ төлбөргүй хийнэ хэмээн аймгийн ЭМГ-аас мэдээллээ.  

Сэлэнгэ/МОНЦАМЭ/.Сэлэнгэ аймаг дахь Монгол Улсын баатар Ж.Нэхийтийн нэрэмжит Хилийн цэргийн 0101 дүгээр тусгай ангиас мэргэжилтнүүдийг дэмжих бүлгийн уулзалтыг зохион байгуулжээ. 

Сэлэнгэ /МОНЦАМЭ/. Сэлэнгэ аймгийн төв Сүхбаатар сумын Засаг дарга асан Т.Гантулга ажлаа хүлээлгэн өгч, түүний залгамж халааг Т.Пүрэвсүрэн хэмээх залуу хүлээн авсан. Шинэхэн Засаг даргатай уулзаж, цаг үеийн асуудлаар ярилцлаа.

Сэлэнгэ/МОНЦАМЭ/. Сэлэнгэ аймгийн нутаг дэвсгэр дэх голуудын усны түвшин нэмэгдэж байгаа талаар аймгийн Ус, цаг уур, орчны шинжилгээний газраас мэдээллээ.

Сэлэнгэ/МОНЦАМЭ/. Сэлэнгэ аймгийн Сайхан сумын Засаг даргын Тамгын газар, "Цемент-Шохой" ТӨХК-тай хамтран ажиллах "Санамж бичиг"-т гарын үсэг зурсан байна. Тус үйлдвэр нь Сайхан сум буюу Хөтөл хотын нутаг дэвсгэрт үйл ажиллагаагаа явуулдаг юм.  

Сэлэнгэ/МОНЦАМЭ/. Сэлэнгэ аймгийн ногоочдын гараар үйлдвэрлэгдсэн, экологийн цэвэр эко хөрсөнд  тарьж ургуулсан эрт ургацын нарийн ногоо худалдаанд гарч эхэллээ.

Сэлэнгэ/МОНЦАМЭ/.Улсын Нэгдүгээр Төв Эмнэлэг /УНТЭ/-ийн Нүдний нарийн мэргэжлийн эмч нар Сэлэнгэ аймагт ажиллаж байна. Тус эмнэлэг нь Канад улсад төвтэй “Laurel Surgical Foundation” төслийг 2015 оноос хойш Монгол Улсад амжилттай нэвтрүүлж монгол орны зарим аймгуудад жилд хоёр удаа нүдний нарийн мэргэжлийн эмчийн төлөвлөгөөт үзлэг явуулах мөн нүдний бичил мэс засал хийх, эмч мэргэжилтнүүдийг чадавхижуулахад хамтарч ажиллаж байгаа ажээ. 

Сэлэнгэ/МОНЦАМЭ/.Сэлэнгэ нутгийн 9 гайхамшгийн нэг бол тус аймгийн Алтанбулаг сумын нутаг дахь “Сайханы Хөтөл”. Тус аймгийн нутгаар аялаж буй иргэдийн зайлшгүй очдог газрын нэг бол энэ. Байгалийн үзэсгэлэн бүрдсэн эл хөтөл маань Сэлэнгэ аймгийн төвөөс 10-аадхан км-ийн зайтай Монгол Оросын бараг хил дээр оршдог. Өмнө нь Тэмээн хүзүүтийн хөтөл хэмээн нэрийддэг байсан эл газрыг жанжин Д.Сүхбаатар “Үнэхээр сайхан хөтөл юм аа” хэмээн уулга алдсанаас хойш Сайханы хөтөл хэмээн нэрийдэх болсон түүхтэй.