Улаанбаатар
Дэлхийн дартсын холбооны гишүүн болов
МОНГОЛЫН МЭДЭЭ | СПОРТ
Туркийн Анталья хотноо 10 дугаар сарын 26-31-нд хоёр жил тутамд зохион байгуулдаг Дэлхийн дартсын холбооны Их хурал болж, Монголын Сонгодог дартсын холбоо гишүүнээр элссэн байна.
Энэхүү хурлаар Дэлхийн дартсын хөгжлийн тухай олон асуудал хэлэлцэж бөгөөд шинээр гишүүн улс элсүүлэх шалгаруулалтад нийт таван улс өрсөлдөж, гурван улсыг баталгаажуулжээ. Тодруулбал, Монгол, Украин, Этиоп улсууд орсон байна.
Энэ үеэр МСДХ-ны ерөнхийлөгч Б.Биндэръяад Дэлхийн дартсын холбооны ерөнхийлөгч баяр хүргэж амжилт хүссэн юм.
Манай холбоо нь байгуулагдаад гурван жил болж байгаа бөгөөд эх орноо төлөөлөн ийнхүү Дэлхийн дартсын холбооны албан ёсны гишүүн болж байна. Дэлхийн дартсын холбоонд 69 улс гишүүнчлэлтэй бөгөөд энэ жил гурван улс шинээр нэмэгдлээ.
Д.Өлзий
