Дорнод аймгийн авто тээврийн гуравдугаар баазын 90 жилийн ой тохионо
ОРОН НУТГИЙН МЭДЭЭ | ДОРНОД
Дорнод /МОНЦАМЭ/. Дорнод аймгийн авто тээврийн 3 дугаар баазад ажиллаж байсан ахмадууд ирэх 8 дугаар сард 90 жилийн ойгоо тэмдэглэх гэж байна. Тус байгууллагын түүхийг сөхвөл, Монгол Улсын Тээх нэвтрүүлэх ерөнхий газрын 1927 оны 317-р тоот шийдвэрээр Баянтүмэнгийн “Тээхийн ангийн хороо” нэртэйгээр анх байгуулагдаж байжээ.
Тухайн үед Баянтүмэнд байсан ердийн хөсгийн хэсгийг өргөтгөн улсаас ЯАЗ маркийн машин 5 ширхэгийг өгснөөр хөдөөгийн ууган авто баазын тулгын чулууг тавьсан юм. Авто тээврийн 3-р бааз хүрээгээ тэлсээр 1970-аад он гэхэд мянга орчим ажилтантай, арав хол давсан төрлийн 800 гаруй тээврийн хэрэгсэлтэй, Сүхбаатар, Хэнтий, Дорнод аймгийн хэрэгцээт бүхий л импорт, экспортын бараа бүтээгдэхүүнийг тээвэрлэж байв. Энэ хугацаанд “Хөдөлмөрийн гавьяаны улаан тугийн одон”-г хүртэж, тус байгууллагаас БНМАУ-ын хөдөлмөрийн баатар Т.Тангад төрөн гарчээ.
Зах зээлийн үед татан буугдсан энэ байгууллагатай ажил амьдралаа холбож явсан ахмадууд цугларч, 90 жилийн ойн бэлтгэл ажлаа эхлүүлээд байна.
Тухайн үед Баянтүмэнд байсан ердийн хөсгийн хэсгийг өргөтгөн улсаас ЯАЗ маркийн машин 5 ширхэгийг өгснөөр хөдөөгийн ууган авто баазын тулгын чулууг тавьсан юм. Авто тээврийн 3-р бааз хүрээгээ тэлсээр 1970-аад он гэхэд мянга орчим ажилтантай, арав хол давсан төрлийн 800 гаруй тээврийн хэрэгсэлтэй, Сүхбаатар, Хэнтий, Дорнод аймгийн хэрэгцээт бүхий л импорт, экспортын бараа бүтээгдэхүүнийг тээвэрлэж байв. Энэ хугацаанд “Хөдөлмөрийн гавьяаны улаан тугийн одон”-г хүртэж, тус байгууллагаас БНМАУ-ын хөдөлмөрийн баатар Т.Тангад төрөн гарчээ.
Зах зээлийн үед татан буугдсан энэ байгууллагатай ажил амьдралаа холбож явсан ахмадууд цугларч, 90 жилийн ойн бэлтгэл ажлаа эхлүүлээд байна.
Д.Дэлгэрмаа