Улаанбаатар
ӨВӨРХАНГАЙ: Хархорин сумын цэцэрлэгт хоёр настай 252 хүүхэд шинээр элслээ
ОРОН НУТГИЙН МЭДЭЭ | ӨВӨРХАНГАЙ
Арвайхээр, 2024 оны есдүгээр сарын 2 /МОНЦАМЭ/. Хархорин сумын ерөнхий боловсролын дөрвөн сургуульд 2838 хүүхэд суралцана. Үүнээс
нэгдүгээр ангид 259 хүүхэд элсэн
оржээ.
Сургуулийн
өмнөх боловсролын зургаан
байгууллагад 898 хүүхэд суралцахаас хоёр настай 252 хүүхэд шинээр элссэн байна.
Тус сумын боловсролын салбарт сүүлийн
гурван жилд томоохон бүтээн байгуулалтууд өрнөжээ. Тухайбал, 4 дүгээр цэцэрлэгийн барилгын өргөтгөлийг ашиглалтад оруулж, хүүхдийн хамран сургалтыг 98 хувьд хүргэсэн бол хоёр
сургуулийг биеийн тамирын спорт заалтай болгосон байна.
Мөн Орхон сургуулийн дотуур байрыг засварлаж, 2 дугаар сургуульд 100 хүүхдийн дотуур байрыг барьж ашиглалтад оруулжээ.
Одоогоор Орхон сургуулийн 320 хүүхдийн хичээлийн байрны өргөлтгөл,
Хүүхэд, залуучуудын төвийн
барилгын ажил эхлээд байна.
