Улаанбаатар
ӨВӨРХАНГАЙ: Ихэнх нутгаар 2-14 мм бороо ороод байна
ОРОН НУТГИЙН МЭДЭЭ | ӨВӨРХАНГАЙ
Арвайхээр, 2025 оны
наймдугаар сарын 20 /МОНЦАМЭ/. Өнөө
өглөөний байдлаар тус аймгийн Арвайхээр,
Бат-Өлзий, Баянгол, Богд, Гучин-Ус, Зүүнбаян-Улаан, Нарийнтээл, Төгрөг, Уянга,
Хайрхандулаан, Хархорин, Хужирт суманд бороо орж байна.
“Урд шөнөөс эхлэн орсон бороо аймгийн хэмжээнд 2-14 мм түвшинд хүрсэн, өнөөдөр үргэлжлэн орно” хэмээн Ус, цаг уурын байгууллагаас мэдээллээ. Усархаг борооны үеэр үер, уснаас болгоомжилж, хүчэй салхи, аянга цахилгаанд сэрэмжтэй хандахыг анхааруулж байна.
Мөн 23-нд нутгийн хойд хэсгээр бороо орох ба бусад хугацаанд нартай, шөнөдөө +7-оос +17 градус, өдөртөө +21-ээс +28 градус, салхины хурд 6-12 м/с байх төлөвтэй байна.
Ташрамд сонирхуулахад, сүүлийн 30
жилийн хугацаанд аймгийн нутаг дэвсгэрт хамгийн их бороо орсон нь 1998 оны 7
сар бөгөөд 20.6 мм бороо орж байжээ.
