Хүүхэд харах үйлчилгээнд 180 хүүхэд хамрагдаж байна
ОРОН НУТГИЙН МЭДЭЭ | БУЛГАНБулган аймагт одоогийн байдлаар 180 хүүхэд "хүүхэд харах үйлчилгээ" - нд хамрагдаж байна. Өнгөрсөн хаврын 4 - р сараас хэрэгжиж эхэлсэн уг үйлчилгээний эрхийг 68 хүн авсан боловч 40 хүн энэ үйлчилгээг эрхэлж байгаа юм.
Энэхүү 180 хүүхдээс 5 нь тусгай хэрэгцээтэй буюу бидний нэрлэж сурснаар хөгжлийн бэрхшээлтэй хүүхдүүд байна. "Нам солигдож төрд өөр нам гарснаар хүүхэд харах үйлчилгээг үгүй болгоно гэсэн яриа иргэдийн дунд гарч байсан боловч ямар ч байсан энэ оныг дуустал буюу 2016 оны 12 сарын 31 хүртэл энэ үйлчилгээний төсөвт өөрчлөлт орохгүй хэвээрээ байна" гэсэн мэдээллийг аймгийн Хүүхэд, гэр бүл хөгжлийн хэлтсийн дарга Д.Оюунбилэг өглөө.
П.Батням