Олон улсын олимпиадад оролцох сурагчдыг Зулзагын зусланд бэлтгэв
ОРОН НУТГИЙН МЭДЭЭ | ДАРХАН-УУЛОлон улсын Мэдээлэл зүйн 28 дугаар олимпиадад Монгол улсаа төлөөлж оролцох сурагчдыг аймгийн Засаг дарга С.Насанбат хүлээн авч уулзан амжилт хүслээ.
Дархан-Уул аймгийн амралтын бүс нутаг Зулзагын голын “Хүүхдийн зуслан”-д дөрвөн сурагч өнгөрсөн тавдугаар сараас эхлэн бэлтгэлээ хангаж байна. Энэ жил уг олимпиад ОХУ-ын Казань хотод энэ сарын 12-19-ны өдрүүдэд болж дэлхийн 93 орны 300 гаруй хүүхэд оролцохоор мэдүүлгээ өгчээ. Монгол улсаа төлөөлж Улаанбаатар хотоос хоёр, Ховд, Дархан-Уул аймгаас оролцох тус бүр нэг сурагчийг дөрвөн багш өнгөрсөн тавдугаар сараас хойш бэлтгэж буй юм. Тэд сүүлийн бэлтгэлээ ийнхүү Зулзагын голын хүүхдийн зусланд хийж дуусчээ.
Б.Норовсамбуу