БНАСАУ галт тэрэгнээс пуужин харважээ

ДЭЛХИЙН МЭДЭЭ | НИЙГЭМ
khulan@montsame.gov.mn
2021-09-16 09:20:20

ПЁНЬЯН. /NHK/. БНАСАУ-ын цэргийнхэн лхагва гаргийн өглөө галт тэрэгнээс пуужин харвах туршилт хийлээ гэж тус улсын “Rodong Sinmun” сонинд мэдээлэв.


Эрх баригч Хөдөлмөрийн намын харьяа тус сонинд мэдээлснээр, шинээр байгуулагдсан Хурдан пуужингийн анги /Rapid Missile Regiment/ пуужин харвах сургуулилалтыг явуулжээ.


Энэхүү мэдээнд хавсаргасан гэрэл зургуудад пуужин төмөр зам дээрх галт тэрэгнээс утаа савсуулан хөөрч буйг харуулжээ. Харин ямар төрлийн пуужин харвасан талаар дэлгэрэнгүй мэдээлээгүй байна.


Rodong Sinmun” сонины мэдээлснээр, сургуулилалт БНАСАУ-ын төв нутгийн уулархаг бүсэд болжээ. Мөн пуужин 800 км зайд буй Япон тэнгис дэх байд оновчтой тусжээ.  


БНАСАУ-ын удирдагч Ким Жөн Ун сургуулилалтад оролцсон эсэх талаар сонины мэдээнд дурдаагүй байна. 

Холбоотой мэдээ