Перуд сонгуультай холбоотойгоор архи худалдахыг хоригложээ

Дэлхийд | Нийгэм
dorjkhand@montsame.mn
2016-06-05 12:12:33

ЛИМА. /NHK/. Өнөөдөр Перу улсад ерөнхийлөгчийн сонгууль болж байгаатай холбоотойгоор согтуурулах ундаа худалдаж, хэрэглэхийг хоригложээ.

Тус улсад ерөнхийлөгчийн болон парламентын сонгууль болох бүрт согтууруулах ундаа худалдаж, хэрэглэхийг 48 цаг хориглодог байна. Энэ журмын дагуу согтууруулах ундаа худалдахыг өнөө өглөөний 08:00 цагаас хориглож эхэлжээ. Хэрвээ энэ хоригийг зөрчвөл бизнес эрхлэгчдийг 640 доллароор торгох аж.

Перугийн нийслэл Лима хотын зарим дэлгүүр “Маргааш согтууруулах ундаа зарахгүй” гэсэн зарлалыг өчигдөр өлгөсөн байжээ.

“Энэ хориг нь хүмүүс хариуцлагатай, нухацтай сонголт хийхэд тустай” гэж 27 настай нэгэн залуу ярилаа. Харин 31 настай, нэгэн компанийн ажилтан уг хуулийг “утга учиргүй” гэж тодорхойлоод “Би шөнөжингөө ууна” гэжээ.

Г.Доржханд

Холбоотой мэдээ