Чөндү хот дахь Консулын газраа хаахыг АНУ-аас шаарджээ

Дэлхийд | Улс төр
ayanzaya@montsame.gov.mn
2020-07-24 13:51:05

БЭЭЖИН. /TASS/. Хятадын баруун өмнөд нутгийн Сычуань мужийн Чөндү хот дахь Ерөнхий Консулын газраа хаахыг Хятадын эрх баригчид АНУ-аас шаарджээ. Энэ тухай БНХАУ-ын Гадаад хэргийн яамны мэдэгдэлд дурджээ.


“Чөндү хотод Ерөнхий Консулын газрын үйл ажиллагаа явуулах зөвшөөрлөө эргүүлэн татах шийдвэр гаргасан тухайгаа БНХАУ-ын Гадаад хэргийн яам 7 дугаар сарын 24-ний өглөө БНХАУ дахь АНУ-ын Элчин сайдын яаманд мэдэгджээ. Түүнчлэн явуулж буй үйл ажиллагаа, арга хэмжээгээ зогсоох тухай тодорхой шаардлагыг Чөндү хот дахь Ерөнхий Консулын газарт тавьсан” хэмээн мэдэгдэлд дурдсан байна.


Долдугаар сарын 21-нд АНУ дангаар өдөөн хатгалга явуулж, Хьюстон дахь БНХАУ-ын Ерөнхий Консулын газраа хаахыг хатуу шаардсаныг баримт бичигт онцолжээ.


АНУ-ын энэ алхам нь олон улсын эрх зүйн хэм хэмжигдэхүүн, олон улсын харилцааны гол зарчмууд, хоёр улсын консулын хэлэлцээрийг ноцтой зөрчиж буй хэрэг бөгөөд АНУ, БНХАУ-ын харилцаанд ноцтой хохирол учруулсан юм мэдэгдэлд дурджээ. 

Холбоотой мэдээ