Улаанбаатар
Түрээсийн орон сууцны журмыг шинээр батална
ОРОН НУТГИЙН МЭДЭЭ | ОРХОН
Орхон /МОНЦАМЭ/ Орхон аймагт ТОСК-ийн санхүүжилтээр 315 айлын орон сууцыг барьж байна. Барилгын ажил 95 хувийн гүйцэтгэлтэй байна. Засгийн газрын шийдвэрээр уг барилгыг түрээслэх, худалдан борлуулах шийдвэрийг тухайн орон нутагт нь олгосны дагуу аймгийн ИТХ, Засаг даргын зөвлөлийн хурлаар шинэ журам баталж иргэдэд олгоно.
Дээрх 315 айлын орон сууцыг Улаанбаатар хотын “Оюуны ундраа” ХХК барьж ТОСК-т хүлээлгэн өгч байгаа юм. Харин ТОСК тухайн барилгын нийт зардлыг таван жилийн хугацаатай, зургаан хувийн хүүтэйгээр тооцон Орхон аймагт өгөх аж. Иймд аймгийн удирдлагууд үүний тодорхой хувийг худалдан борлуулах, үлдсэнийг нь түрээслэх төлөвлөгөөтэй байна.
Өөрөөр хэлбэл, нэг м.кв талбайг
1.460.000 төгрөгөөр үнэлж байгаа юм. Түрээсийн орон сууцны барилга ашиглалтад
орох хугацаа ойртох тусам иргэд аймгийн ЗДТГ-т өргөдөл өгөх нь ихэсч одоогоор
2500-д хүрээд байна. Иймд тун удахгүй шинэ журам баталж иргэдэд мэдээлэл өгөх
ажээ. Мөн 2016 онд аймгийн удирдлагууд “Баян-Өндөр”
хотхоны 40 айлын орон сууцыг хөгжлийн бэрхшээлтэй, өндөр настан, өрх
толгойлсон, хувиараа хөдөлмөр эрхэлдэг, залуу гэр бүлийн төлөөлөлд сугалааны
журмаар олгож байсан шиг энэ удаагийн байрыг дээрх шалгуур үзүүлэлтийг үндэслэн
өгөх ажээ
Холбоотой мэдээ
