Улаанбаатар
Дархан сум “Хөдөлмөрийн аварга”-уудаа шалгаруулж, шагналыг нь гардуулав
ОРОН НУТГИЙН МЭДЭЭ | ДАРХАН-УУЛ
Дархан-Уул /МОНЦАМЭ/. Дархан сумын ЗДТГ-аас улс, орон нутгийнхаа бүтээн байгуулалт, хөгжил цэцэглэлтэд үнэтэй хувь нэмэр оруулж ажил хөдөлмөрөөрөө бусдыгаа манлайлсан шилдэг тэргүүний хамт олон, иргэнийг шалгаруулан “Хөдөлмөрийн аварга”-аар өргөмжиллөө. Салбар салбараас тодорсон 2018 оны хөдөлмөрийн аваргуудад шагнал гардуулах ёслол хүндэтгэлийн ажиллагаа Залуучууд театрын их танхимд болов.
Төр, захиргааны салбар
Дархан-Уул аймгийн ХХҮГ-ын Нийгмийн халамжийн хэлтсийн дарга Батсүхийн Оргил
Хүнс, хөдөө аж ахуйн салбар
Малчин багийн иргэн Цэвээнжавын Нэмэхжаргал
Боловсролын салбар
Дархан сумын 1 дүгээр цэцэрлэгийн эрхлэгч Вандангийн Отгонхүү
Дэд бүтцийн салбар
Дарханы Дулааны цахилгаан станц” ТӨХК-ийн турбины машнист Дэндэвийн Давхарбаяр
Соёл, урлагийн салбар
Дархан-Уул аймгийн Залуучууд театрын Удирдаач, Хөгжмийн зохиолч Отгоны Золбаяр
Нийтийн аж ахуй үйлчилгээний салбар
Дархан Ус суваг ХК-ийн Нийтлэг үйлчилгээний албаны экскаваторчин Гантөмөрийн Золбоо
Спортын салбар
Дархан сумын 4 дүгээр сургуулийн 11а ангийн сурагч Туулын Солонго
Эрүүл мэндийн салбар
Дархан-Уул аймгийн Нэгдсэн эмнэлгийн Амаржих тасгийн нярайн их эмч Сүхбатын Уранчимэг
Хууль зүйн салбар
Дархан-Уул аймгийн Цагдаагийн газрын Нийтийн хэв журам хамгаалах хэсгийн байцаагч, Цагдаагийн ахмад Цэндийн Билэгсайхан нар тодорч шагналаа гардан авлаа.
Харин хөдөлмөрийн аварга байгууллагаар Дархан-Уул аймгийн Дарханы Дулааны Сүлжээ ТӨХК-ийн хамт олон, хөдөлмөрийн аварга багаар Дархан сумын 1 дүгээр багийн хамт олон тус тус шалгарсан аж.
Хүндэтгэл ёслолын үйл ажиллагаанд Дархан сумын ИТХ-ын дарга Ж.Балжинням, нарийн бичгийн дарга Б.Болдбаатар, ИТХ-ын тэргүүлэгчид, Дархан сумын Засаг дарга Б.Азжаргал, Засаг даргын орлогч Д.Батбаяр, ЗДТГ-ын дарга О.Хүрэлчулуун нар оролцож,шилдгүүдийн шагналыг гардуулав.
