ОХУ-ын Хөдөө аж ахуйн дэд сайд С.Левинтэй уулзав

МОНГОЛЫН МЭДЭЭ | ГХЯ-НЫ МЭДЭЭ
ariunbold@montsame.gov.mn
2015-09-14 15:19:49

ОХУ-д хийж буй айлчлалынхаа үеэр Гадаад хэргийн сайд Л.Пүрэвсүрэн Оросын Холбооны Улсын Хөдөө аж ахуйн дэд сайд С.Левин, ОХУ-ын Хөдөө аж ахуйн Хяналт, шалгалтын агентлагын удирдлага Н.Власов нартай тусгайлан уулзаж, хоёр орны хөдөө аж ахуйн салбарын хамтын ажиллагааны өнөөгийн байдал, учирч буй саад бэрхшээлийг арилгах талаар ярилцав.

Уулзалтын үеэр манай тал Монголын мал сүрэг ихээр нэмэгдэж, нөгөө талаар бэлчээрийн даац муудаж буйтай холбогдуулан ОХУ-ын зах зээлд  малын мах, махан бүтээгдэхүүн гаргах хүсэлтээ илэрхийлж, ойрын хугацаанд тохиролцоонд хүрэхийг хүсэв. Оросын тал хэлэхдээ Монгол малын мах, махан бүтээгдэхүүнийг ОХУ-ын зах зээлд гарахад Оросын зүгээс экспортын хэмжээ хийгээд махны төрөлд тавьсан элдэв хориг, хязгаар байхгүй болохыг нотолж, энэ чиглэлээр монголын талтай хамтран ажиллахад бэлэн байна гэв. Ойрын хугацаанд хоёр тал ЗГХК-ын Хөдөө аж ахуйн ажлын хэсгийн хуралдааныг зохион байгуулж махны экспортын асуудлыг шийдэхээр тохиролцов.

Холбоотой мэдээ
Сэтгэгдлүүд