СЭЛЭНГЭ: Сурлагын амжилтын олон улсын үнэлгээгээр дэлхийн түвшинд үнэлэгджээ
ОРОН НУТГИЙН МЭДЭЭ | СЭЛЭНГЭСүхбаатар,
2023 оны арванхоёрдугаар сарын 7 /МОНЦАМЭ/. PISA-2022 сурлагын амжилтын
олон улсын үнэлгээг танилцуулах явцад математикийн үзүүлэлтээр дэлхийн түвшинд
үнэлэгдсэн Сэлэнгэ аймгийн Сүхбаатар сумын 4 дүгээр сургууль, Мандал сум.
Мөн байгалийн ухаанаар Мандал
сумын ЕБ-ын 2-р сургууль хэмээн танилцуулсан байна.
PISA-2022 сурлагын амжилтын
олон улсын үнэлгээг өнгөрсөн 2022 оны 4 дүгээр сарын 26-29-ний өдөр зохион
байгуулан явуулсан байна. Энэхүү олон улсын үнэлгээнд Сэлэнгэ аймгаас Сүхбаатар
сумын Улсын тэргүүний ЕБ-ын 4 дүгээр сургууль, Шаамар, Баянгол сум, Ерөө сумын
Бугант тосгоны ЕБС, Мандал сумын ЕБ-ын 2 дугаар сургууль, “Билиг ДБ” хувийн
сургууль нийт 7 сургууль сонгогдон оролцжээ.
Сонголтоор 15 настай, 9-11 дүгээр ангийн 192 сурагч шалгалтад хамрагдсан байна. Хүүхдүүд тус үнэлгээнд компьютер
суурьтайгаар оролцсон аж. Дээрх үнэлгээний тайланг 1.5 жилийн хугацаанд
боловсруулж, энэ сарын 6-ны өдөр судалгааны үр дүнг зарлаж, БШУЯ-наас шууд
нэвтрүүлэн нийтэд мэдээллээ.
Энэхүү үр дүнгээр Монгол Улс
81 орноос Математик 47 дугаар байр, Унших чадвар 65 дугаар байр, Байгалийн
ухаан 53 дугаар байрт эрэмбэлэгджээ.