Улаанбаатар
НИТХ-ын Тэргүүлэгчдийн хуралдаанд дэмжлэг үзүүлэх Зөвлөх зөвлөлийг байгуулав
МОНГОЛЫН МЭДЭЭ | НИЙГЭМ
НИТХ-ын Тэргүүлэгчдийн хуралдаанд дэмжлэг үзүүлэх үүрэг бүхий Зөвлөх зөвлөлийг өнөөдөр зургаан хүний бүрэлдэхүүнтэй байгууллаа.
Дээрх зөвлөлийг НИТХ-ын даргаар ажиллаж байсан ажлын дадлага туршлагатай хүмүүсээр бүрдүүлж байгаа аж. Ингэснээр Улаанбаатар хотын хөгжлийн бодлогыг тодорхойлохдоо шинжлэх ухаан, судалгаанд тулгуурлан, салбартаа тэргүүлэгч эрдэмтдийн санал санаачлагыг сонсох боломж бүрдэнэ хэмээн НИТХ-ын дарга Ц.Сандуй онцлов.
Зөвлөлд НИТХ-ын дарга асан Ж.Ядамсүрэн, Ц.Баасанжав, Т.Билэгт, Н.Болормаа болон Г.Мөнхбаяр, Д. Баттулга нар багтаж байгаа юм. Харин Зөвлөх зөвлөлийн нарийн бичгийн даргаар Г. Маналжавыг сонгожээ. Тэрбээр 12 жил НИТХ -ын нарийн бичгийн даргаар ажилласан туршлагатай юм.
Ч.Ариунболд
