БНСУ Энэтхэгээс иргэдээ татан авч байна

Дэлхийд | Нийгэм
ayanzaya@montsame.gov.mn
2021-05-12 12:42:53

СӨҮЛ. /TASS/. Энэтхэгээс 182 иргэнээ татан авах тусгай нислэгийн онгоц лхагва гарагт БНСУ-ын Инчон хотын нисэх онгоцны буудалд иржээ.


Тийнхүү Энэтхэгээс эх орондоо эргэн ирсэн иргэдийн тоо 722 болсон тухай БНСУ-ын Гадаад хэргийн яамны мэдэгдэлд дурдсан байна.   


Өмнө нь БНСУ Энэтхэгийн Ченнай хотоос 172, Бангалороос 204, Нью-Делигээс 164 иргэнээ татан авчээ. Энэтхэгээс ирсэн бүх иргэний коронавирусний шинжилгээний хариу нь сөрөг гарсан ч долоо хоног ажиглалтын төвд байрласныхаа дараа гэртээ тусгаарлагдах аж.


Коронавирусний халдварт өвчний нөхцөл байдал даамжирсантай холбогдуулан БНСУ-ын Засгийн газар 4 дүгээр сарын 24-нөөс Энэтхэгтэй шууд үйлддэг нислэгээ зогсоожээ. Одоогоор зөвхөн иргэдээ татан авах тусгай үүргийн нислэг үйлдэхийг зөвшөөрчээ.


Коронавирусний халдварын тохиолдлын тоогоор Энэтхэг дэлхийд хоёрдугаарт жагсаж байгаа бол нас баралтын тоогоор гуравдугаарт бичигдэж байна. Гуравдугаар сарын 1-нээс тус улсад халдварын өдөрт илэрсэн тохиолдлын тоо тогтвортой нэмэгдэх болсон юм.

Холбоотой мэдээ