Улаанбаатар
Монгол, япон иргэдийн эрх ашгийг хамгаалах чиглэлээр хамтран ажиллана
МОНГОЛЫН МЭДЭЭ | ХУУЛЬ
Улаанбаатар/МОНЦАМЭ/. ГИХГ-ын дарга Н.Ууганбаяр Япон Улсаас Монгол Улсад суугаа ЭСЯ-ны Элчин зөвлөх Хаяаши Шиничирог өнөөдөр хүлээн авч уулзлаа.
Уулзалтын эхэнд Элчин зөвлөх Хаяаши Шиничиро ГИХГ-ын дарга Н.Ууганбаярт үүрэгт ажилдаа орсонд нь баяр хүргэж, ажлын амжилт хүсэв.
ГИХГ-ын дарга Н.Ууганбаяр байгууллагынхаа үйл ажиллагааг танилцуулж, хоёр орны иргэдийн эрх ашгийг хамгаалах болон бусад чиглэлээр Японы ЭСЯ-тай нягт хамтран ажиллахаа илэрхийллээ.
