А.Амбасэлмаа: ХӨСҮТ-д 33 хүн эмчлүүлж байна
COVID-19Улаанбаатар/МОНЦАМЭ/. ХӨСҮТ-ийн Вирус судлалын лаборатори, Дархан-Уул аймаг дахь салбар лабораторид өчигдөр нийт 261 хүний шинжилгээг хийхэд бүгд сөрөг буюу коронавирусний халдвар илрээгүйг ХӨСҮТ-ийн Тандалт, судалгааны албаны дарга А.Амбасэлмаа өнөөдөр мэдээлэв.
Шинэ-Дели-Улаанбаатарын нгоцоор ирсэн 165, ажиглах байранд тусгаарлалтад байгаа 52, ХӨСҮТ-д тусгаарлалтад буй 6 хүний давтан шинжилгээнээс коронавирусийн халдвар илрээгүй. Мөн Алтанбулаг боомтоор орж ирсэн ачаа тээврийн 29 жолооч, Сэлэнгэ аймагт тусгаарлагдаж буй нэг хүний шинжилгээ, тандалтын зорилгоор нийслэлийн Сүхбаатар, Сонгино-Хайрханы нэгдсэн эмнэлэг, Баянгол, Баянзүрх дүүргийн өрхийн эрүүл мэндийн төвөөс цуглуулсан найман хүний сорьцод коронавирусний халдвар илрээгүй аж.
Одоо Монгол Улсад батлагдсан тохиолдол 293 байгаагаас эдгэрсэн 260, ХӨСҮТ-д эмчлүүлж буй 33 хүн байна. Эмчлүүлж байгаа 33 хүний хоёрынх нь биеийн байдал хүндэвтэр, 31 нь хөнгөн байна" хэмээлээ.