Улаанбаатар
Үерийн улмаас 2 хүн эндэж, айл өрх малчдад багагүй хохирол учирлаа
ОРОН НУТГИЙН МЭДЭЭ | ТӨВ
Төв /МОНЦАМЭ/. Төв аймгийн Зуунмод, Сэргэлэн, Говьсүмбэр аймгийн Сүмбэр суманд 2020 оны 6 дугаар сарын 21-ний өдөр 0.0-69.0 мм бороо орсны улмаас үер буун, автозам усанд автаж, иргэд усанд боогдсон дуудлагаар дээрх аймгуудын Онцгой байдлын газрын алба хаагчид ажиллалаа. Үерийн улмаас 2 хүн амь насаа алдаж, 4400 орчим мал хорогдож, 381 айл үерт автаж, 19 гэр урсаж, 83 хашаа нурсан байна.
Тодруулбал, Төв аймгийн Сэргэлэн сумын Эрдэнэ-Уул
багийн “Жаргалантын булаг” гэдэг газар /сумын төвөөс баруун хойд зүгт 12 км-т/
нийслэлийн Хан-Уул дүүргийн 12 дугаар хорооны харьяат иргэн У /13 настай,
эрэгтэй/, Хайрхан багийн “Тэрвий” гэдэг газар /сумын төвөөс баруун урд зүгт 77
км-т/ Дундговь аймгийн харьяат иргэн С /23 настай, эрэгтэй/ үерийн усанд осолдож
нас барсан тухай дуудлагаар аймгийн Онцгой байдлын газрын алба хаагчид ажиллаж
цогцсыг гарган Цагдаагийн байгууллагад шилжүүлэн өгсөн.
Төв
аймгийн Сэргэлэн сумын Хайрхан багийн “Довын хайрхан”, “Ширээгийн булаг”, Баян
сумын “Их-Элгэн” гэдэг газар нутаглаж байсан малчин М-ын 900 бог, 4 бод,
Б-ийн 700 бог, Б-ийн 800 бог, М-ийн 1000 орчим бог мал үерт өртөж хорогдсон
бөгөөд Зуунмод
суманд 181 айлын гэр, 4 орон сууцны барилгын зоорийн давхар усанд автаж, 6 гэр
урсаж, 53 хашаа нурсан байна. Мөн Алтанбулаг суманд 200 өрх айл усанд автаж
30 хашаа нурж, 10 гэр урссан тухай дуудлагаар аймгийн Онцгой байдлын газрын
алба хаагчид ажиллаж, 7 хүүхэд, 17 том хүнийг үерийн уснаас эсэн мэнд аварч, 4
орон сууцны барилгын зоорийн давхрын усыг соруулж, 57 автомашиныг уснаас
татан гаргажээ.
Говьсүмбэр аймгийн Сүмбэр сумын Малх
багийн “Мухар” гэдэг газар уруйн үерийн улмаас тус сумын иргэн А-гийнн 4
ханатай гэр, 1000 орчим бог мал, бага оврын ачааны автомашин, мөн багийн
“Банзарын хоолой” гэдэг газар иргэн Д-ийн 6 ханатай гэр, 2 мотоцикл, мөн багийн
Баянбулаг гэдэг газар иргэн Г-ийн 5 ханатай гэр үерт урссан.
Мөн Говьсүмбэр аймгийн
төвөөс хойд зүгт 75 км-т “Ланд крузер” загварын суудлын автомашинтай БНХАУ-ын
харьяат 2 иргэн, Малх багийн “Банзарын хоолой” гэдэг газар 3 зорчигчтой
суудлын автомашин усанд суусан тухай дуудлагаар тус аймгийн Онцгой
байдлын газрын алба хаагчид ажиллаж, иргэдэд тусламж үйлчилгээ үзүүлсэн гэж Онцгой байдлын ерөнхий газраас мэдээллээ.
