Улаанбаатар
Хятад “Tyson” компанийн бүтээгдэхүүний импортыг зогсоожээ
ДЭЛХИЙН МЭДЭЭ | ЭДИЙН ЗАСАГ
БЭЭЖИН. /TASS/. Ажилтнуудаас нь коронавирусний халдвар илэрсэнтэй холбоотойгоор Америкийн “Tyson” корпорациас нийлүүлдэг мах, махан бүтээгдэхүүний импортоо БНХАУ түр хугацаагаар зогсоожээ. Энэ тухай БНХАУ-ын Гаалийн ерөнхий газар мэдэгдсэн байна.
Баримт бичигт
дурдсанаар, БНХАУ-д нэгэнт ирсэн болон ирэх ёстой байсан тус компанийн бүх бүтээгдэхүүнийг гаалийн
газар саатуулах аж.
Үүнээс өмнө Германы “Toennies”
концернийн мах комбинатын бүтээгдэхүүний нийлүүлэлтийг түр
зогсоож байгааг БНХАУ-ын Гаалийн ерөнхий газар пүрэв гарагт мэдэгджээ.
Тус үйлдвэрийн газарт коронавирусний халдвар дэгдсэнтэй холбоотойгоор ийм
шийдвэр гаргасан байна. Реда-Виденбрюк сууринд байрладаг тус мах
комбинатын 600 орчим ажилтнаас халдвар илэрчээ. Үүнтэй холбогдуулан үйлдвэрийн газар үйл ажиллагаагаа
зогсоож, 7000 ажилтнаа хөл хорионд оруулсан байна.
