ЖДҮХС-гаас зээл олгох журмыг шинэчлэв

Монголын мэдээ | Улс төр
ariunbold@montsame.mn
2020-03-25 16:11:37

Улаанбаатар /МОНЦАМЭ/. Засгийн газрын ээлжит хуралдаанаар “Жижиг дунд үйлдвэрийг хөгжүүлэх сангаас хөнгөлөлттэй зээл олгох, сонгон шалгаруулах, дамжуулан зээлдүүлэх, эргэн төлүүлэх, хяналт тавих” журмыг шинэчлэн батлав.


Журмыг Жижиг дунд үйлдвэрлэл үйлчилгээг дэмжих тухай болон Засгийн газрын тусгай сангийн тухай хуульд тусгасан шинэ заалтуудтай уялдуулан 2019 онд баталсан журмын ерөнхий бүтэц агуулгыг алдагдуулахгүйгээр дараах гол зохицуулалтуудыг нэмж оруулжээ. 


-  Бичил, жижиг, дунд ангилалд хамаарах зээлийн хэмжээг тогтоосон


-  Хөнгөлөлттэй зээл олгох хэлбэрийг хуулийн хүрээнд шинэчлэн зохицуулсан


-  Дамжуулан зээлдүүлэх арилжааны банкинд тавигдах шаардлагыг бууруулж, өрсөлдөөнийг нэмэгдүүлсэн


-  Хороо, дэд хорооны гишүүнд тавигдах шаардлага бий болгосон


-  Орон нутагт олгох зээлийн хэмжээг нэмсэн


-  Зээлийн мэдээллийн сан үүсгэх, эргэн төлүүлэх, хяналт тавих үйл ажиллагааны зохицуулалтыг бий болгосон гэж Засгийн газрын Хэвлэл мэдээлэлтэй харилцах хэлтсээс мэдээллээ. 

Холбоотой мэдээ