Зэвсэгт хүчний жанжин штабын дарга Д.Ганзоригт хошууч генерал цол олголоо

Монголын мэдээ | Улс төр
ariunbold@montsame.mn
2019-10-09 17:40:41

Улаанбаатар /МОНЦАМЭ/. Монгол Улсын Ерөнхийлөгч Х.Баттулга Цэргийн дээд цол олгох тухай зарлиг гаргаж, Зэвсэгт хүчний жанжин штаб /ЗХЖШ/-ын дарга, бригадын генерал Д.Ганзоригт хошууч генерал цол олголоо.


Зарлигийг танилцуулж, цол олгох ёслол Дорноговь аймгийн Зүүнбаян сумын нутагт болж төмөр замын бүтээн байгуулалтын ажилд гар бие оролцож буй цэргийн байгууллагын ажилтан, алба хаагчид оролцлоо.


Ерөнхийлөгч Х.Баттулга, "1947-1949 оны үед ЗХУ /тухайн үеийн нэрээр/-ын наушки өртөөнөөс Улаанбаатар хот хүртэл 400 км төмөр замыг барьж дуусгасан. 2019 онд буюу техник, технологи хөгжсөн өнөө үед ижил хэмжээний замыг барьж, байгуулж байгаа тул төлөвлөсөн хугацаанд бүтээн байгуулалтын ажлаа дуусгах хэрэгтэй" гээд нийт бие бүрэлдэхүүнд ажлын амжилт хүсэв.


Монгол Улсын Ерөнхийлөгч Х.Баттулга Тавантолгой-Зүүнбаян чиглэлд барьж буй төмөр замын трассын дагуу ажлын явцтай танилцаж байна.

Холбоотой мэдээ