Үс шинээр үргээлгэх буюу засуулбал эрч хүч сайжирна

ЛАВЛАГАА
ariunbold@montsame.gov.mn
2019-01-16 08:17:59

Улаанбаатар /МОНЦАМЭ/. Өнөөдөр аргын тооллын 2019 оны нэгдүгээр сарын 16. Лхагва гараг. Билгийн тооллын XVII жарны “Тийн унжлагат” хэмээх шороон нохой жилийн Өвлийн адаг хөхөгчин үхэр сарын 10. Буд гараг. Нэгэн эхийн зургаан хөвгүүн одтой, гурван хөх мэнгэтэй, харагчин үхэр өдөр.  


Барилдлага: Үхэх 

Шүтэн барилдлага: Сансар

Суудал: Уул 


Наран 8 цаг 33 минутад мандан, 17 цаг 29 минутад жаргана. Тухайн өдөр тахиа жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лус тахих, мал арилжих, гэр бүрэхэд сайн. Цөөрөм байгуулахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойш мөрөө гаргавал зохистой. Дашнямтай өдөр. Үс шинээр үргээлгэх буюу засуулбал эрч хүч сайжирна хэмээжээ.

Холбоотой мэдээ