Аймгийн Засаг дарга ахмадуудад гэнэтийн бэлэг барьжээ
ОРОН НУТГИЙН МЭДЭЭ | СЭЛЭНГЭСэлэнгэ/МОНЦАМЭ/. Сэлэнгэ аймгийн
Ахмадын хорооны ээлжит IX
бага
хурлын үеэр Аймгийн Засаг дарга Ш.Оргил ахмадын байгууллагад иж бүрэн цахилгаан
хөгжим бэлэглэжээ.
Энэхүү хуралдааны үеэр Монгол Улсын Засгийн газраас 2019
оныг Ахмадын жил болгон зарлах гэж буйг дэмжиж байгаагаа аймгийн Засаг дарга Ш.Оргил мэдэгдсэн байна. Тэрээр 2019 оноос бүх сум тосгоны Ахмадын хороодын дарга
нарт сар бүр 120000 төгрөгийн урамшуулал олгож байх шийдвэр гаргаснаа
мэдэгджээ. Энэхүү аймгийн даргын гэнэтийн бэлгэнд ахмадууд ихэд талархаж буйгаа
илэрхийллээ.
Сэлэнгэ аймгийн Баянгол суманд энэ сарын 5-ны өдөр зохион
байгуулагдсан эл бага хурал хариуцлага сахилга дэг журмын өндөр түвшинд
явагдсан байна.
Ч.Отгонцэцэг