"IJF"-ны 2017 оны шилдэг мэх хийсэн жүдочдод Монголын гурван бөх багтжээ
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Олон улсын жүдо бөхийн холбоо /IJF/-ны 2017 оны цуврал тэмцээнүүдэд хүчээ сорьсон жүдочдоос цэвэр ялалт /Иппон/-ын хамгийн шилдэг мэх хийсэн 20 бөхийг тодруулжээ.
Энэхүү шилдэг 20-д Монголын гурван жүдочийн хийсэн мэх тодорсон байна. Тухайлбал, Монгол Улсын Хөдөлмөрийн баатар, “Рио - 2016” олимпийн мөнгөн медальт, Дэлхийн аварга Доржсүрэнгийн Сумъяагийн 57 кг-д “Дюссельдорф Гран при-2017” тэмцээний татами дээр хийсэн мэхийг хамгийн өндөр ур чадвартай гэж үзжээ.
“Токио Их дуулга-2017” тэмцээний 60 кг-д барилдсан ДАШТ-ий мөнгөн медальт, Монгол Улсын гавьяат тамирчин Дашдаваагийн Амартүвшин, 66 кг-д хүч үзсэн Ази тивийн аварга болон мөнгөн медальт, Азийн наадмын аварга, ОУХМ Даваадоржийн Төмөрхүлэг нарын хийсэн цэвэр ялалтын мэхнүүд шилдэг 20-д багтжээ.
Д.Өлзий