Улаанбаатар
“Улаанбаатар марафон 2025”-д 5000 гаруй хүн бүртгүүлээд байна
МОНГОЛЫН МЭДЭЭ | НИЙГЭМ
Улаанбаатар, 2025 оны тавдугаар сарын 5 /МОНЦАМЭ/. “Улаанбаатар марафон 2025”-ын хамгийн бага зайд буюу 1.5 км-т 954 хүн бүртгүүлжээ. Энэ төрөлд гэр бүлээрээ болон тэргэнцэртэй, хараагүй иргэд гүйх боломжтой юм.
Тодруулбал, 5 км-ийн зайд 2451 иргэн
гүйхээр бүртгүүлсэн бол 10 км-ийн зайд 794 хүн, хагас марафон буюу 21
км-ийн гүйлтэд 700 хүн бүртгүүлээд байна.
Харин бүтэн марафон буюу 42 км-ийн зайд 135 хүн бүртгүүлжээ. Энэ нь 18 болон түүнээс дээш насныхан, хөгжлийн бэрхшээлтэй иргэд гэсэн ангиллаар болох юм.
Харин бүртгэлийн хураамж нь зай тус бүрээс хамаарч 5.000-90.000 төгрөг байна. Тэгвэл тусгай олимп төрөл буюу 500, 800 метрийн зайд гүйх оролцогчдоос бүртгэлийн хураамж авахгүй юм.
Марафонд гүйх хүсэлтэй иргэдийг
https://ulaanbaatar.marathon.mn/ цахим хаяг, “Hipay” аппликейшнээр бүртгэж
байна.
Бүртгүүлсэн хүмүүсийн энгэрийн дугаарыг
тавдугаар сарын 10-20-нд олгох ажээ.
Холбоотой мэдээ
Үндэсний их баяр наадмын тухай хуульд өөрчлөлт оруулах тухай хуулийн төслийг өргөн мэдүүлэв
11 минут
Бүгд Найрамдах Узбекистан Улсын Ерөнхийлөгч Шавкат Мирзиёев Монгол Улсад төрийн айлчлал хийнэ
22 цаг
