Улаанбаатар
БАЯНХОНГОР: Хүмүүн бичигтэн хамт олон
ОРОН НУТГИЙН МЭДЭЭ | БАЯНХОНГОР
Баянхонгор, 2024 оны арваннэгдүгээр сарын 12 /МОНЦАМЭ/. Баянхонгор аймгийн Баянцагаан сумын Ерөнхий боловсролын сургуулийн 8а ангийнхан Үндэсний мэдээллийн МОНЦАМЭ агентлагаас эрхлэн гаргадаг "Хүмүүн бичиг" сониныг хамт олноороо захиалан уншиж байна.
"Хүмүүжил, төлөвшил, харилцаа хандлага, эв нэгдлийг эрхэмлэн, бүтээлч манлайлагч, оюунлаг хамт олон байна" гэсэн зорилгод нэгдсэн тус хамт олон "Санаа нэг бол амжилтын эхлэл" гэсэн уриагаар харилцааны зөв хэв маягт суралцах, бусдыг хүндэтгэх, хүлээн зөвшөөрөх, хөдөлмөрч хичээнгүй хамтдаа хөгжих зорилтыг дэвшүүлэн хичээн суралцаж буй.
8а ангийнхан ЗДТГ-аас сурагчдын дунд зохион байгуулсан “Амжилт өөд ангиараа” олимпиадад амжилттай оролцож монгол хэл, математикийн хичээлээр дэд, гутгаар байр эзэлсэн бол 2023-2024 оны "Монголын сайхан бичигтэн" улсын уралдааны гуравдугаар байрын шагналт У.Мөнгөншатар тус ангийнх. Тэрбээр Баянхонгор аймгийн хэлний бодлогын салбар зөвлөл, Боловсролын газар, Нийтийн номын сангаас зохион байгуулсан “Босоо бичгийн гайхамшиг” уралдаанд тэргүүн байр эзэлсэн амжилтыг мөн гаргажээ. Түүнээс гадна Боловсрол шинжлэх ухааны яамнаас зохион байгуулсан "Үндэсний бичгийг өв тэгш суръя" аяны хичээнгүй сайхан бичигтэн төрөлд У.Мөнгөншатар, Б.Юмчинмаа нар амжилттай оролцсон байна.
Энэ хичээлийн жилд тус анги 26 сурагчтай сургалт хүмүүжлийн ажилд оролцож байгаа бөгөөд ангийн дарга У.Мөнгөншатар, Ариун цэврийн дарга Б.Анужин, Салааны дарга Б.Эрдэнэдалай, З.Амин-Эрдэнэ нар юм.
8а ангийнхан:
- Баянхонгор аймагт зохион байгуулсан АБТА Б.Баярсайханы нэрэмжит Математикийн олимпиадад 7а ангийн сурагч Ц.Хажидмаа, багаараа 2 дугаар байр эзэлсэн.
- Баянхонгор аймгийн Номгон сургуулиас зохион байгуулсан Орос хэлний массын олимпиадад У.Мөнгөншатар, О.Ганболор, Г.Намжилмаа, Ц.Хажидмаа, Б.Долгоржав Б.Юмчинмаа, Л.Уранчимэг нар 2 байр эзэлсэн.
- Баянхонгор аймгийн Номгон сургуулиас зохион байгуулсан Орос хэлний олимпиадад ганцаарчилсан төрлөөр У.Мөнгөншатар 2 дугаар байр эзэлсэн.
- Баянхонгор аймгийн Баян-Ойт сургуулиас зохион байгуулсан Математикийн Олон улсын “Логик паазал” сэтгэх чадварын олимпиадад У. Мөнгөншатар Тэргүүн байр эзэлж улсад оролцох эрх авсан.
- Аймгийн аварга шалгаруулах жудо бөхийн тэмцээнд М.Бүрэнбаяр 28кг, Д.Хонгорзул 30кг жинд барилдаж тус тус 3 дугаар байр эзэлсэн амжилт гаргажээ.
