Улаанбаатар
Хөршийн хяналтын холбоог сайжруулахыг Цагдаагийн газраас анхаарууллаа
ОРОН НУТГИЙН МЭДЭЭ | ХӨВСГӨЛ
Хөвсгөл /МОНЦАМЭ/. Хөвсгөл аймагт сүүлийн үед орон байрны хулгайн гэмт хэрэг гарсаар байна. Иймээс иргэд хөршийн хяналтын холбоог сайжруулах хэрэгтэй байгааг Цагдаагийн газраас анхааруулж байна.
Тухайлбал Хөвсгөл аймгийн Их-Уул сумын нутаг дэвсгэрт иргэн П-ийн орон байранд хулгай орж үнэ бүхий зүйлс алдагдсан гэх хэргийг тус аймгийн цагдаагийн газрын Эрүүгийн цагдаагийн тасгийн мөрдөгч нар илрүүлсэн байна. Тус хэрэгт өмнө 18 удаагийн үйлдэлтэй 26-50 насны Н,Н,П,Б,Т нарыг холбогдуулан шалгалтын ажиллагааг үргэлжлүүлж байгаа ажээ.
Хөвсгөл аймагт орон байрны хулгайн гэмт хэрэг 2021 оны эхний 2 сард 8 бүртгэгдсэн бол энэ
онд 16 тохиолдол бүртгэгдэж нэг дахин нэмэгдсэн байгаа аж.
